رینجرز کارروائیوں سے سیاسی انتقام کا تاثر ابھرا، مولا بخش ARYNews.tv
The news is by your side.

Advertisement

رینجرز کی کارروائیوں سے سیاسی انتقام کا تاثر ابھرا، مولا بخش

کراچی: سندھ حکومت کے مشیر مولا بخش چانڈیو نے کہا ہے کہ کراچی میں رینجرز کی کارروائی اور گرفتاریوں سے ایسا تاثر ابھرا جیسے کوئی سیاسی انتقام کی کارروائی کی جارہی ہو، رینجرز اپنے مینڈیٹ میں رہ کر کام کرے۔

رینجرز کی جانب سے آج ہونے والی چھاپہ مار کارروائیوں اور گرفتاریوں پر بیان دیتے ہوئے مولا بخش چانڈیو نے کہا کہ قانون نافذ کرنے والے ادارے نے پولیس کا اعتماد میں نہیں لیا،کارروائی کے لیے جس دن کا انتخاب کیا گیا اس سے تاثر ملتا ہے کہ کارروائی سیاسی انتقام ہے، زرداری کی آمد سے مخالفین کی آںکھیں کھل گئیں۔

انہوں نے کہا کہ ملک سے دہشت گردی اور جرائم کے خاتمے کے لیے سندھ نے سب سے زیادہ قربانیاں دیں، سندھ وہ واحد صوبہ ہے جو نیشنل ایکشن پلان پر سب سے زیادہ عمل کررہا ہے۔

مشیر اطلاعات سندھ کا یہ بیان رینجرز کی کارروائیوں کے بعد سامنے آیا ہے۔

قبل ازیں کراچی میں رینجرز نے  کارروائی کرتے ہوئے اہم سیاسی شخصیت  کے دوست کی کمپنی کے دو دفاتر پر چھاپے مارے اور بڑی تعداد میں اسلحہ برآمد کر کے 5 افراد اور ڈیفنس میں  اہم سیاسی شخصیت کے فرنٹ مین کے گھر سے  ایک شخص کو گرفتار کیا۔

رینجرز نے دعویٰ کیا ہے کہ غیر قانونی اسلحے اور شرپسند عناصر کی مالی معاونت کی اطلاع پر کارروائی کی گئی اور کمپنی کے دفاتر سے 17 کلاشنکوف،4 پستول اور 3 ہزار سے زائد گولیاں اور نو بال بم برآمد کیے گئے۔

Comments

comments

یہ بھی پڑھیں