The news is by your side.

Advertisement

کراچی: خاموش کالونی میں کارروائی، اہلسنت والجماعت کراچی کے صدر زیر حراست

کراچی: کراچی میں قانون نافذ کرنے والے اہلکاروں نے مختلف علاقوں میں سرچ آپریشن کیا۔ اس دوران اہلسنت والجماعت سے تعلق رکھنے والے رب نواز حنفی سمیت درجنوں افراد کو حراست میں لے لیا گیا۔

کراچی میں قانون نافذ کرنے والے اداروں نے جرائم پیشہ افراد پر زمین تنگ کردی۔ کراچی کے علاقے خاموش کالونی میں کارروائی کے دوران اہلسنت و الجماعت سے تعلق رکھنے والے رب نواز حنفی کو گرفتار کرلیا۔

ضلع غربی کے علاقے منگھو پیر میں رات گئے پولیس نے سرچ آپریشن کے دوران 5 ملزمان سمیت 40 مشتبہ افراد کو گرفتار کرلیا۔ پولیس کے مطابق ملزمان کے قبضے سے منشیات اور اسلحہ برآمد ہوا۔

کراچی کے ضلع وسطی کے علاقوں کوثر نیازی کالونی اور شادمان ٹاؤن میں پولیس اور رینجرز نے مشترکہ سرچ آپریشن کیا۔ اس دوران 14 مشتبہ افراد کو گرفتار کیا گیا۔

نصرت بھٹو کالونی میں سرچ آپریشن کے دوران 18 مشتبہ افراد کو حراست میں لے لیا گیا۔ حاجی مرید گوٹھ اور فردوس کالونی سے 5 مشتبہ افراد کو گرفتار کیا گیا۔

Comments

comments

یہ بھی پڑھیں