کراچی: ناظم آباد سے کنویں میں چھپایا گیا اسلحہ برآمد -
The news is by your side.

Advertisement

کراچی: ناظم آباد سے کنویں میں چھپایا گیا اسلحہ برآمد

کراچی: صوبہ سندھ کے دارالحکومت کراچی کے علاقے ناظم آباد سے رینجرز نے کنویں میں چھپایا گیا اسلحہ برآمد کرلیا۔ پولیس نے کارروائی کرتے ہوئے سرجانی سے 3 اور مومن آباد سے 2 ملزمان کو گرفتار کرلیا۔

تفصیلات کے مطابق کراچی کے علاقے ناظم آباد 3 نمبر سے اسلحے کا ایک اور ذخیرہ برآمد کرلیا گیا۔

ترجمان رینجرز کے مطابق اسلحہ کنویں میں چھپایا گیا تھا۔ اسلحہ ایم کیو ایم لندن کے شرپسندوں نے آپریشن شروع ہونے سے پہلے چھپایا تھا جبکہ کنویں کو مٹی ڈال کر بھر دیا گیا تھا۔

برآمد اسلحے میں ایک راکٹ لانچر آر پی جی سیون، 4 راکٹ، 4 رائفل، اور دیگر اسلحہ شامل ہے۔

دوسری جانب سرجانی پولیس نے ناصر گوٹھ کے قریب کارروائی کرتے ہوئے 3 ملزمان کو گرفتار کرلیا۔ ملزمان سے لوٹی گئی رقم، زیورات اور موبائل فونز برآمد ہوئے۔

مومن آباد میں بھی پولیس نے کارروائی میں 2 اشتہاری گرفتار کرلیے۔

ترجمان رینجرز نے عوام سے اپیل کی ہے کہ وہ قانون نافذ کرنے والے اداروں کا ساتھ دیں اور دہشت گردی میں ملوث عناصر یا کسی بھی مشکوک سرگرمی کے بارے میں فوری اطلاع قریبی چیک پوسٹ یا رینجرز مددگار پر دیں۔


Comments

comments

یہ بھی پڑھیں