The news is by your side.

Advertisement

رینجرزکا چھاپہ، متحدہ اورنگی سیکٹر سے اسلحے کا ذخیرہ برآمد

کراچی: رینجرز نے مصدقہ اطلاع ملنے کے بعد اورنگی ٹاؤن ایم کیو ایم سیکٹر ون اے میں کارروائی کرتے ہوئے اسلحہ اور ایمونیشن برآمد کرلیا۔

ترجمان کی جانب سے جاری کردہ اعلامیے میں کہا گیا ہے کہ ’’رینجرز نے مصدقہ اطلاع پر ایم کیو ایم کے سیکٹر ون اے اورنگی ٹاؤن میں کارروائی کرتے ہوئے بڑی تعداد میں اسلحہ برآمد کر لیا جو دکان کے خفیہ خانوں میں چھپایا گیا تھا‘‘۔

پڑھیں:  عزیز آباد کا اسلحہ فوج سے لڑنے کے لیے خریدا گیا، گورنر سندھ

کارروائی میں برآمد ہونے والے اسلحے میں 3 عدد ایس ایم جی، 3 عدد 8 ایم ایم رائفل، 4 عدد سیون ایم ایم رائفل، 1 عدد 22 بور رائفل، 1 تیس بور رائفل، ماؤزر، رپیٹر، 3 عدد 30 بور پسٹل، 2 عدد 32 بور پسٹل، 10 عدد راکٹ آر پی جی سیون، 12 آر پی جی سیون پریمیئر جبکہ 1840 جی تھری کی گولیوں کے علاوہ 12960 ایس ایم جی ، 8250 ایل ایم جی  سمیت دیگر اسلحے کی گولیاں برآمد کی ہیں۔رینجرز اعلامیے میں کہا گیا ہے کہ یہ اسلحے شہر میں بد امنی اور ٹارگٹ کلنگ کے لیے استعمال ہونا تھا۔

مزید پڑھیں:  اسلحہ برآمدگی کیس، جے آئی ٹی تشکیل، متحدہ قیادت سے تفتیش کا امکان

یاد رہے کہ رواں ماہ کراچی کے علاقے اور ایم کیو ایم کے مرکز نائن زیرو کے قریب خالی گھر کے ٹینک سے کراچی کی تاریخ کا اسلحے کا سب سے بڑا ذخیرہ برآمد کیا گیا تھا، جس کے بعد تفتیشی اداروں نے خدشہ ظاہر کیا تھا کہ شہر میں اور بھی ایسے مقامات ہیں جہاں اسلحہ چھپایا گیا ہے۔

اس ضمن میں سیکیورٹی اداروں کو متحرک کیا گیا تھا اور سیکیورٹی اداروں نے بھی اسلحے کے ذخائر کی کھوج لگانے کا کام شروع کردیا تھا۔

قبل ازیں عزیز آباد سے برآمد ہونے والے اسلحے کی تحقیقات کے لیے جے آئی ٹی تشکیل دی گئی تھی جس میں متحدہ قیادت کو بھی شاملِ تفتیش کرنے پر غور کیا گیا تھا۔

rangers-press

Comments

comments

یہ بھی پڑھیں