ڈاکٹر عاصم کا بیان حقائق کے منافی ہے،ترجمان رینجرز -
The news is by your side.

Advertisement

ڈاکٹر عاصم کا بیان حقائق کے منافی ہے،ترجمان رینجرز

کراچی : رینجرز کے ترجمان نے ڈاکٹر عاصم کے نجی چینل کو دیئے گئے انٹرویو میں رینجرز پر لگائے الزامات کی تردید کرتےہوئےکہاکہ ڈاکٹر عاصم کا بیان حقائق کے منافی ہے۔

تفصیلات کے مطابق پاکستان رینجرز سندھ نے نجی ٹی وی پرنشر ہونےوالے پروگرام کے دوران ڈاکٹر عاصم حسین کے الزامات تردید کردی ہے، ترجمان سندھ رینجرز کے مطابق ڈاکٹر عاصم کابیان حقائق کے منافی ہے، ڈاکٹر عاصم حسین نے کبھی دوران حراست عدالتوں میں پیشی اور رہائی کے بعد یہ الزامات نہیں لگائے۔

ترجمان سندھ رینجرز کا کہنا ہے کہ انھوں نے رینجرز کی تفتیشی ٹیم پر دوران تفتیش ادویات کے جبراً استعمال اور ان ادویات کے زیراثر بیان ریکارڈ کرانے کا الزام عائد کیا تھا۔

ترجمان نے مزید کہا کہ ڈاکٹر عاصم ضمانت پر ہیں اوران کے خلاف درج مقدمات عدالتوں میں زیر سماعت ہیں۔

یاد رہے کہ گذشتہ روز نجی چینل کو دیئے گئے انٹرویو میں ڈاکٹر عاصم مین دعویٰ کیا تھا کہ رینجرز کی جانب سے مجھے نشہ آور ادویات دی جاتی تھیں جس کے بعد ان کا بیان ریکارڈ کیا جاتا تھا، میں نہیں جانتا کہ رینجرز اہلکاروں نے انہیں کس قسم کی ادویات دیں۔

ڈاکٹر عاصم کا کہنا تھا کہ مجھے یاد نہیں کہ اعترافی ویڈیو میں کیا کہا کیونکہ میں ادویات کے زیر اثر تھا۔

واضح رہے کہ رواں سال مارچ میں سندھ ہائی کورٹ نے کرپشن کے 2 مقدمات میں ڈاکٹر عاصم حسین کی رہائی کے احکامات جاری کردیئے تھے، جس کے بعد 31 مارچ کو تقریباً 19 ماہ بعد انھیں رہا کردیا گیا تھا

یاد رہے کہ ڈاکٹر عاصم حسین کو 26 اگست 2015 کو حراست میں لیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں