کراچی : پاکستان رینجرز نے سوشل میڈیاایکٹوسٹ عامر ارسلان خان کو رہا کردیا ، عامر ارسلان کودہشت گردگروپ سےروابط کی بنیاد پر گرفتارکیا گیا تھا۔
تفصیلات کے مطابق کراچی سے لاپتہ ہونے والے سوشل میڈیاایکٹوسٹ عامرارسلان خان گھر پہنچ گئے، رینجرز نے صحافی اورسوشل میڈیاایکٹوسٹ عامر ارسلان خان کو رہا کردیا۔
اس معاملے پر ترجمان رینجرز کے ترجمان کی جانب سے جاری بیان میں کہا گیا کہ عامرارسلان خان کوتفتیش میں تعاون کی تنبیہ کرکے رہا کر دیا گیا۔
ترجمان رینجرز نے بتایا کہ ارسلان کو دہشت گرد گروپ سے روابط کی بنیاد پر حراست میں لیا گیا ، ابتدائی تفتیش میں دہشت گرد گروپ سے مبینہ مالی معاونت لینے کا انکشاف ہوا تھا۔
ترجمان کا کہنا تھا کہ وائٹ کالرکرائم کی بنا پر تحقیقات کی غرض سے کیس متعلقہ حکام کے سپرد کیا جا رہا ہے۔
بعد ازاں، سوشل میڈیاایکٹوسٹ عامرارسلان خان نے ایک ٹویٹ میں اعلان کیا کہ میں صحیح سلامت گھر واپس آ گیا ہوں، آزمائش کی اس گھڑی میں آپ لوگوں نے میرے اکیلے خاندان کو جو مدد اور تعاون فراہم کیا اس کے لیے آپ سب کا شکریہ۔
I’m back home safe & sound. Thank you everyone for all the help & support you people extended to my lone family in this testing time. I’m truly short of words. Love you all ❤️
— AK-47™© (@AK_Forty7) June 24, 2022
خیال رہے پی ایف یوجے نے صحافی اورسوشل میڈیاایکٹوسٹ ارسلان خان کی گرفتاری کی مذمت کرتے ہوئے کہا تھا کہ سادہ لباس قانون نافذکرنےوالےاہلکاروں نےارسلان کوگھرسےاٹھایا، حکام سےمطالبہ ہےارسلان خان کوفوری رہاکریں۔
نائب صدرپی ایف یوجے کا کہنا تھا کہ غیر قانونی حراستیں معمول بن چکی ہیں جسے روکنا ضروری ہے۔
