The news is by your side.

Advertisement

ساتھی اہلکار کا قتل، رینجرز اہلکار 4 روزہ جسمانی ریمانڈ پر پولیس کے حوالے

کراچی: مقامی عدالت نے ساتھی اہلکار کے قتل کیس میں رینجرز اہلکار علی مرتضیٰ کو 4 روزہ جسمانی ریمانڈ پر پولیس کے حوالے کر دیا ہے۔

تفصیلات کے مطابق کراچی میں جوڈیشل مجسٹریٹ شرقی کی عدالت میں ساتھی اہلکار کی فائرنگ سے جاں بحق ہونے والے رینجرز اہلکار معشوق علی کے قتل سے متعلق کیس کی سماعت ہوئی۔

ملزم رینجرز اہلکار مرتضیٰ علی کو عدالت میں سخت سیکیورٹی میں پیش کیا گیا،  پولیس نے عدالت سے گرفتار رینجرز اہلکار کو ریمانڈ میں دینے کی  استدعا کی ، جس کے بعد عدالت نے ملزم علی مرتضیٰ کو 4 روزہ جسمانی ریمانڈ پر پولیس کے حوالے کردیا۔

مقدمے میں انسدادہشتگردی کی دفعات شامل کرنے پر عدالت نے فیصلہ محفوظ کرتے ہوئے سماعت ملتوی کردی۔


مزید پڑھیں : رینجرز اہلکار آپس کے جھگڑے میں جاں بحق


واضح رہے گزشتہ روز کراچی کے علاقے گلستان جوہر میں رینجرز اہلکاروں کے درمیان آپس کے جھگڑے میں گولی چل جانے کے باعث ایک رینجر اہلکار 3 گولیاں لگنے سے جاں بحق ہو گیا تھا، ملزم کے خلاف شاہراہ فیصل تھانے میں مقدمہ درج کیا گیا تھا۔

Comments

comments

یہ بھی پڑھیں