کراچی: سندھ رینجرز نے کہا ہے کہ صحافیوں کی ٹارگٹ کلنگ مذموم مقاصد کیلئے کی گئی ہے ، ایسے عناصر کو بے نقاب کیا جائے گا۔
ترجمان رینجرز نے ایک بیان جاری کیا ہے جس میں کہاگیا ہے کہ میڈیا نمائندوں کی ٹارگٹ کلنگ کا سندھ رینجرز نے نوٹس لے لیا ہے اور ٹارگٹ کلنگ کی اس لہرکےخلاف مشترکہ کوششیں کی جائیں گی۔
ترجمان کاکہنا ہے کہ بعض گروپ آپریشن کی ساکھ خراب کرنے کی مشترکہ کوشش کررہےہیں ۔ ان گروپس کو بےنقاب کیا جائےگا۔
ترجمان کا کہنا ہےکہ میڈیانمائندوں کی ٹارگٹ کلنگ کرنےوالوں کے خلاف بھی سخت کارروائی ہوگی۔
