The news is by your side.

Advertisement

رینجرز کی کراچی میں کامیاب کارروائی، چھ ٹارگٹ کلرز گرفتار

کراچی : رینجرز نے کراچی کے علاقے رنچھوڑ لائن سے چھ ٹارگٹ کلر گرفتار کرلئے، ملزمان سے بڑی تعداد میں جدید اسلحہ بھی برآمد ہوا، پانچ ٹارگٹ کلرز کا تعلق ایم کیوایم سے ہے۔

تفصیلات کے مطابق شہر قائد میں قیام امن کے لئے قانون نافذ کرنے والے اداروں کی کارروائیوں تیزی آگئی، رینجرز نے کراچی کے علاقے رنچھوڑ لائن سے چھ ٹارگٹ کلرز کو گرفتار  کرکے بھاری تعداد میں اسلحہ برآمد کرلیا۔

رینجرز کے مطابق ملزمان کا تعلق ایم کیو ایم سے ہے، ترجمان رینجرز کا کہنا ہے کہ خرم الیاس ٹارگٹ کلنگ،بھتہ خوری اور اسلحہ چھپانے میں ملوث ہے۔

ملزم محمود ایم کیوایم کے یونٹ بیس کا سرگرم رکن ہے جس نے تفتیش کے دوران سینتالیس افراد کے قتل کا اعتراف کیا ہے،ملزم شاہد عرف کالا یونٹ انتیس کا کارکن ہے اور اس نے چھ افراد کے قتل کا اعتراف کیا۔

ترجمان رینجرز کے مطابق ملزم مبین ایم کیوایم یونٹ بیس کی کمیٹی کا ممبر ہے ،ملزم نے بھی متعدد قتل کی وارداتوں کا اعتراف کیا ہے۔کاشف عرف ماچھا ایم کیوایم کے یونٹ تیس کا کارکن ہے ۔ملزم ٹارگٹ کلنگ اور بھتہ خوری کی متعدد وارداتوں میں ملوث رہا ہے۔

ترجمان رینجرز کا کہنا ہے کہ ملزم زبیر نے لیاری گینگ وار ،سنی تحریک کے خلاف مقابلوں میں اہم کردار ادا کیا ۔ملزمان سےمشین گن، ریپیٹر، پستول، پانچ کلودھماکاخیزمواداور دو دستی بم بھی ملے۔

پولیس نے ابراہیم حیدری میں کارروائی کرکے سیاسی جماعت کے ٹارگٹ کلر کو گرفتار کرلیا ملزم ساجد عرف بکرا نے پانچ افراد کے قتل کا اعتراف کیا ہے۔

Comments

comments

یہ بھی پڑھیں