اسلام آباد: دائرہ برانچ میں موجود وکیل بیرسٹر گوہر نے دعویٰ کیا ہے کہ رینجرز نے عمران خان پر تشدد کیا ہے۔
اے آر وائی نیوز کے مطابق اسلام آباد ہائی کورٹ کے دائرہ برانچ میں موجود وکیل بیرسٹر گوہر نے دعویٰ کیا کہ رینجرز نے عمران خان پر تشدد کیا، عمران خان کے سر اور ٹانگ پر مارا ہے۔
عمران خان کو گرفتار کر لیا گیا
بیرسٹر گوہر نے بتایا کہ عمران خان کو گرفتار کرنے والے سب رینجرز اہلکار تھے، ان کے زخمی ٹانگ پر تشدد کیا گیا ساتھ ہی عمران خان کی وہیل چیئر وہیں پر پھینک دی گئی۔
واضح رہے کہ پاکستان تحریک انصاف کے چیئرمین اور سابق وزیراعظم عمران خان کو رینجرز نے گرفتار کر لیا۔
سابق وزیراعظم کو اس وقت گرفتار کیا گیا جب مختلف مقدمات کے سلسلے میں لاہور سے اسلام آباد ہائیکورٹ آئے تھے۔ ان کی گرفتاری کے موقع پر اسلام آباد ہائیکورٹ میں پولیس اور وکلا میں تصادم بھی ہوا ہے۔
