site
stats
پاکستان

رینجرز کے اختیارات میں ساٹھ روز کی توسیع کی سمری وفاق کو ارسال

کراچی : سید قائم علی شاہ نے رینجرز اختیارات میں ساٹھ روز توسیع کی سمری منظور کرکے وفاق کو ارسال کردی۔

تفصیلات کے مطابق چار شرائط کےساتھ کراچی میں رینجرزکے خصوصی اختیارات کی سمری ساٹھ روزکیلئے منظور کرلی گئی۔

وزیراعلیٰ سندھ سید قائم علی شاہ نے رینجرز کو حاصل خصوصی اختیارات میں ساٹھ روز توسیع کی سمری وفاق کو ارسال کردی ہے۔

وزیراعلیٰ سندھ سید قائم علی شاہ نے وفاقی وزارت داخلہ کو خط لکھ دیا، ترجمان وزیراعلیٰ ہاؤس کے مطابق قائم علی شاہ کی منظوری کے بعد رینجرز کو دوماہ کیلئے دہشت گردی فرقہ ورانہ قتل، ٹارگٹ کلنگ بھتہ خوری اور اغواء برائے تاوان کے ملزمان کے خلاف کارروائی کے لئے خصوصی اختیارات حاصل ہوں گے۔

وزارت داخلہ کو لکھے گئے خط کے مطابق اختیارات میں توسیع چھ دسمبر سے دی گئی ہے۔اختیارات سے متعلق سمری کو سندھ اسمبلی سے منظوری کے بعد وفاق کو ارسال کردی گئی ہے۔تاہم وفاق کواختیارات مشروط کرنےپر حکومت سندھ کی سمری پرتحفظات ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top