The news is by your side.

Advertisement

کراچی: سندھ رینجرز کے وفد کی تاجروں سے ملاقاتیں

کراچی : سندھ رینجرز کے اعلیٰ افسران کے وفد نے کراچی کی مختلف مارکیٹوں کا دورہ کرکے تاجروں سے ملاقاتیں کیں۔

تفصیلات کے مطابق رینجرز کے ونگ کمانڈر شاہد خان اور سیکنڈ ونگ کمانڈر عنایت اللہ درانی نے لی مارکیٹ، کھجور بازار اورکنفشنری مارکیٹ کا دورہ کیا۔

اس موقع پر دکانداروں کی جانب سے رینجرزافسران کا پرتباک استقبال کیا گیا اور اُن پر پھولوں کی پتیاں نچھاور کی گئیں۔

رینجرز افسران نے تاجروں سے ملاقاتوں کے دوران اُن کے مسائل پر بات چیت کی ، اس موقع پرتاجروں کی جانب سے کراچی آپریشن میں قائم ہونے والے امن و امان کو سراہا گیا اور قانون نافذ کرنے والے اداروں کی قربانیوں پر خراج تحسین پیش کیا گیا۔

اس موقع پر رینجرز افسران نے  بھی تاجروں کا شکریہ ادا کرتے ہوئے کہا کہ’’ عوام اور تاجروں کی جانب سے کراچی آپریشن کی حمایت ،تعاون اور  قانون نافذ کرنے والے اداروں پر اعتماد کی وجہ سے ہی شہر کی رونقیں دوبارہ بحال ہورہی ہیں‘‘۔

انہوں نے مزید کہا کہ شہر میں کسی کو بھی شرپسندی کی اجازت نہیں دی جائے گی اور شہر میں مکمل امن و امان بحال ہونے تک بلاتفریق کارروائیاں جاری رکھی جائیں گی۔

Comments

comments

یہ بھی پڑھیں