site
stats
سندھ

کراچی : رینجرز نے دکان سے اسلحے کا ایک اور ذخیرہ برآمد کرلیا

کراچی : رینجرز نے کراچی میں بدامنی اور ٹارگٹ کلنگ کی سازش ناکام بنا دی۔ نیو کراچی میں ایک دکان سے رینجرز نے اسلحے کا ایک اور بڑا ذخیرہ برآمد کرلیا۔ رینجرزکا کہنا ہے کہ اسلحہ ایم کیوایم لندن کے شرپسندوں نے چھپایا تھا۔

تفصیلات کے مطابق کراچی میں قانون نافذ کرنے والے ادارے شرپسندوں کے خلاف سرگرم عمل ہیں، رینجرز نے نیوکراچی کے علاقے میں ایک بند دکان پرچھاپہ مار کراسلحے کا بڑا ذخیرہ برآمد کرلیا۔

ترجمان رینجرزکا کہنا ہے کہ برآمد کیا گیا اسلحہ ایم کیوایم لندن سے تعلق رکھنے والے شرپسند عناصر نے چھپایا تھا، جو شہر میں دوبارہ بدامنی اور ٹارگٹ کلنگ کیلئے استعمال کیا جانا تھا۔

برآمد ہونے والے اسلحے میں چار ایل ایم جیز، دو ایس ایم جیز، ایک تیس بور پستول، سو کے قریب مختلف ہتھیاروں کے راونڈز، دو میگزین اور تیس بور کے میگزین شامل ہیں۔

دوسری جانب کراچی کے علاقے شاہ لطیف ٹاؤن سے پولیس نے چارجرائم پیشہ افرادکو گرفتارکرلیا۔ ایس ایس پی ملیر راؤ انوارکے مطابق ملزمان سے اسلحہ اور چھینا ہواسامان برآمد ہوا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top