The news is by your side.

Advertisement

کراچی میں رینجرز موجود رہے گی، گورنر سندھ

کراچی: گورنر سندھ عمران اسماعیل نے کہا ہے کہ شہر قائد میں امن و امان قائم رکھنے کے لیے رینجرز موجود رہے گی۔

تفصیلات کے مطابق آل سٹی تاجر اتحاد کے صدر کی قیادت میں تاجروں کے وفد نے گورنر سندھ سے ملاقات کی اور اپنے مکمل تعاون کا یقین دلایا۔ اس موقع پر تاجروں سے گفتگو کرتے ہوئے عمران اسماعیل کا کہنا تھا کہ کراچی میں امن قائم رکھنے کے لئے رینجرز موجود رہے گی کیونکہ تاجر برادری رینجرز کی تعیناتی جاری رکھنے کے حق میں ہے۔

اُن کا کہنا تھا کہ شہر قائد کا ماضی بہت مشکل تھا جو گزر چکا، کراچی کی روشنی کو کبھی مانند نہیں پڑنے دیں گے۔ گورنر سندھ کا کہنا تھا کہ شہر سے اسٹریٹ کرائمز کے خاتمہ کے لئے موثر اقدامات کئے جارہے ہیں۔

مزید پڑھیں: جلد اسٹریٹ کرائمز کے خلاف مربوط حکمت عملی سامنے لائیں گے: گورنرسندھ

گورنر سندھ نے مزید کہا کہ شہری مسائل کے حل کے لئے بلدیاتی اداروں اور صوبائی حکومت کے مابین رابطے بہت ضروری ہیں، حکومت شہریوں کی فلاح کے لیے ہر ممکن اقدام کرے گی۔

وفد کے اراکین نے عمران اسماعیل کو شہر میں جاری رہنے والے اسٹریٹ کرائمز، لوڈشیڈنگ ، سڑکوں کی حالت زار، سیلز ٹیکس صدر، بوہری بازار ، طارق روڈ، قائد آباد اور دیگر مارکیٹوں کو درپیش مسائل سے آگاہ کیا۔

تاجر اتحاد کے صدر حماد پونا والاکا کہنا تھا کہ تاجر برادی کاروباری سرگرمیوں کو مزید بڑھانے کے لئے پر عزم ہے جس کے لئے اسے حکومت کی مدد درکار ہے۔

Comments

comments

یہ بھی پڑھیں