site
stats
حیرت انگیز

سوشل میڈیا پر ایک پوسٹ اور ہزاروں رشتے آگئے

Ranjeet

رشتہ کرانے والی ویب سائٹس اور آنٹیوں کا کاروبار فیس بک کے سبب شدید خطرے میں ہے کیونکہ فیس بک کے ذریعے ایک نوجوان کو دنیا بھر سےدرجنوں رشتوں کی آفر مل گئی ہے۔

تفصیلات کے مطابق بھارتی ریاست کیرالہ سے تعلق رکھنے والے 34 سالہ جوان رنجیش منجیری نے کئی رشتوں کی سائٹس پر ناکامی کے بعد ایک دوست کے مشورہ پر فیس بک سے رجوع کیا۔

نوجوان کی فیس بک پر ڈالی پوسٹ دیکھتے ہی دیکھتے وائرل ہونے لگی اور بہت سے لوگ اسے رشتوں کی آفر کرنے لگے ‘ یہاں تک کہ اسے انڈیا سے باہر سعودی عرب‘ امریکہ اور آسٹریلیا تک سے شادی کی آفریں موصول ہونا شروع ہوگئی ہیں۔

رنجیت پیشے کے لحاظ سے فوٹو گرافر ہیں اور اپنے والدین کے ساتھ رہتے ہیں‘ ان کی ایک ہی بہن ہیں جو اپنے گھر کی ہیں یعنی کے ذمہ داریوں کے اعتبار سے وہ ایک آئیڈیل رشتہ ہیں۔ سونے پر سہاگہ رنجیت نے اپنی پوسٹ میں لکھا کہ وہ ہندو ہیں اور انہیں ذات پات کا کوئی مسئلہ نہیں بلکہ وہ کسی بھی ذات کی لڑکی سے شادی کرسکتے ہیں جس کے بعد ان کے لئے امکانات مزید بڑھ گئے۔

انہوں نے اپنی پوسٹ میں اپنا نمبر بھی لکھا تھا جس کے بعد انہیں دنیا بھر سے سنجید ہ آفرز موصول ہوئیں ہیں‘ رنجیت نے بتایا محض آدھے درجن کے قریب افراد نے ازراہِ مذاق بھی انہیں کال کی لیکن اب ان کے پاس مناسب تعداد میں رشتے موجود ہیں اور انہیں ان میں سے کسی کا انتخاب کرنا ہے ۔

رنجیت کی فیس بک پوسٹ پر اب تک 4000 سے زائد شیئرز‘ 16000 سے زائد لائکس اور 1000 سے اوپر کمنٹ آچکے ہیں اور یہ پوسٹ ابھی بھی وائرل ہورہی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top