بھارتی بلے باز اَکاش کمار چودھری نے جارحانہ بلے بازی کا مظاہر کرتے ہوئے فرسٹ کلاس کرکٹ کی تاریخ کا نیا ریکارڈ قائم کر دیا۔
بھارتی میڈیا رپورٹس کے مطابق رانجی ٹرافی کے میچ میں انہوں نے 8 گیندوں پر لگاتار چھکے لگا کر نہ صرف دو عظیم کرکٹرز سر گارفیلڈ سوبرز اور روی شاستری کا برسوں پرانا ریکارڈ توڑ دیا بلکہ صرف 11 گیندوں پر فرسٹ کلاس کرکٹ کی تیز ترین نصف سنچری بھی جڑدی۔
رپورٹس کے مطابق انہو ں نے یہ شاندار کارکردگی بھارتی ریاست گجرات کے شہر سورت میں رانجی ٹرافی پلیٹ گروپ کے میچ میں میگھالیہ اور اروناچل پردیش کے درمیان دوسرے دن دکھائی۔
Record Alert
First player to hit eight consecutive sixes in first-class cricket ✅
Fastest fifty, off just 11 balls, in first-class cricket ✅
Meghalaya’s Akash Kumar etched his name in the record books with a blistering knock of 50*(14) in the Plate Group match against… pic.twitter.com/dJbu8BVhb1
— BCCI Domestic (@BCCIdomestic) November 9, 2025
میگھالیہ کی ٹیم جب 576 رنز پر 6 وکٹیں گنوا چکی تھی، تو 25 سالہ اَکاش نمبر آٹھ پر بیٹنگ کے لیے پہنچے۔
ابتدائی چند گیندوں پر دو سنگل رن بنانے کے بعد انہوں نے بائیں ہاتھ کے اسپنر لیمار دابی کو ایک اوور میں لگاتار چھ چھکے جڑ دیئے۔
فرسٹ کلاس کرکٹ میں یہ کارنامہ اس سے قبل صرف دو کھلاڑی سر گارفیلڈ سوبرز (1968) اور روی شاستری (1985) انجام دے چکے ہیں۔
اعظم خان کے نئے روپ نے مداحوں کو حیران کردیا
اَکاش نے اگلے اوور میں آف اسپنر ٹی این آر موہت کی ابتدائی دو گیندوں پر بھی دو مزید چھکے جڑ دیے یوں وہ فرسٹ کلاس کرکٹ میں آٹھ لگاتار چھکے لگانے والے دنیا کے پہلے بلے باز بن گئے۔
629 رنز پر میگھالیہ کی ٹیم نے اننگز ڈکلیئر کی اس وقت اَکاش چودھری 14 گیندوں پر ناقابلِ شکست 50 رنز بنا کر آؤٹ ہوگئے۔
