The news is by your side.

Advertisement

دپیکا سے تعلقات، رنویر سنگھ نے خاموشی توڑ دی

ممبئی: بالی ووڈ اداکار رنویر سنگھ نے اپنے اور دپیکا پڈوکون کے تعلقات کے حوالے سے خاموشی توڑتے ہوئے کہا ہے کہ اداکارہ نے مجھے اچھا انسان بنانے میں بہت مدد فراہم کی اور ہر موقع پر رہنمائی فرمائی۔

بھارتی میڈیا میں یہ خبریں انوشکا اور ویرات کوہلی کی شادی کے بعد سے زیر گردش ہیں کہ ایک اور بالی ووڈ اداکاروں رنویر سنگھ اور دپیکا پڈوکون کی رومانوی جوڑی جلد اپنے معاشقے کو ازدواجی بندھن میں باندھنے جارہے ہیں۔

دپیکا پڈوکون اور رنویر سنگھ کی دوستی اور محبت کے چرچے میڈیا کی زینت بنتے آرہے ہیں بلکہ ایک بار تو یہ بھی دعویٰ سامنے آیا تھا کہ دونوں ایک دوسرے کی محبت میں گرفتار ہیں تاہم کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

بھارتی میڈیا کے ذرائع نے رواں سال جنوری میں خبر کچھ اس طرح دی تھی کہ رنویر سنگھ اور دپیکا جلد سری لنکا کی اڑان بھریں گے جس کے بعد اُن کے اہل خانہ منگنی کی تقریب کے منعقد کرنے کے لیے جگہ کا انتخاب بھی کریں گے۔

مزید پڑھیں: دپیکا کا جیون ساتھی کون سا بالی ووڈ اداکار ہے؟

میڈیا ذرائع کا یہ بھی دعویٰ تھا کہ دپیکا سال نو کی آمد پر رنویر اور دپویر سنگھ کے ہمراہ مالدیپ میں موجود تھیں جبکہ دونوں کے اہل خانہ بھی اس موقع پر ساتھ نظر آئے تھے۔

بالی ووڈ اداکار رنویر سنگھ نے گزشتہ روز بھارتی نجی ٹی وی چینل کے ایک شو میں شرکت کی اور سوالات کے جواب دیے، اس دوران اینکر نے اُن سے دپیکا سے تعلقات کے بارے اور شادی سے متعلق اچانک سوال  کردیا۔

سوال سُن کر پدماوت کے علاؤ الدین خلجی مسکرائے اور شادی سے متعلق خبر کی تصدیق یا تردید نہیں کی البتہ تعلقات کے حوالے سے اُن کا کہنا تھا کہ ’ہم نے جتنی بھی فلمیں ساتھ کیں دپیکا نے میری بہت مدد کی، حتیٰ کہ انہوں نے میری اس قدر رہنمائی فرمائی کہ اُن کی وجہ سے میری زندگی پرسکون ہوگئی۔

شادی کا سوال دوبارہ پوچھنے پر رنویر سنگھ کا کہنا تھا کہ  اس میں کوئی شک نہیں کہ ہم عرصہ دراز سے ایک دوسرے کے بہت اچھے دوست ہیں، میری نزدیک دپیکا بہت اچھی شخصیت کی حامل اداکارہ ہیں جن کی جتنی تعریف بھی کی جائے وہ کم ہے۔

بالی ووڈ اداکارہ کا کہنا تھا کہ ’باجی راؤ مستانی، رام لیلا، پدماوت کی شوٹنگ کے دوران اداکارہ نے میری اس قدر مدد کی کہ میں ایک اچھا انسان بن سکا اور میری زندگی میں وہ خوشیاں بھی آگئیں جو پہلے میسر نہ تھیں۔

واضح رہے کہ رنویر سنگھ اور دپیکا پڈوکون نے سنجے لیلا بھنسالی کی 2013 میں ریلیز ہونے والی فلم رام لیلا، باجی راؤ مستانی میں کام کیا تھا تاہم چار سال بعد دونوں ایک بار پھر سنجے لیلا بھنسالی کی فلم پدماوت میں مرکزی کردار ادا کرتے نظر آئے، دپیکا نے رانی پدمانی جبکہ رنویر نے بادشاہ علاؤالدین خلجی کا مشکل کردار ادا کیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں