site
stats
پاکستان

راؤ انوارکی گرفتاری: آئی جی سندھ کا حساس اداروں کو مدد کیلئے خط

letter

کراچی : راؤ انوار کی گرفتاری کیلئے آئی جی سندھ نےحساس اداروں کوخط لکھ دیا، ملزم کی نشاندہی، تلاش اور گرفتاری کیلئے مدد کی درخواست کردی۔

تفصیلات کے مطابق سپریم کورٹ کی ڈیڈلائن ختم ہونے میں دودن باقی ہیں، آئی جی سندھ اے ڈی خواجہ نے برطرف ایس ایس پی ملیر راؤ انوار کی گرفتاری کیلئے حساس اداروں سے مدد مانگ لی۔

آئی جی سندھ نے ڈی جی آئی ایس آئی، ایم آئی اور آئی بی چیف کے نام خط لکھ دیا، خط میں کہا گیا ہے کہ نقیب اللہ محسود کی جعلی مقابلے میں ہلاکت کے ملزم راؤ انوار کو گرفتارکرکے جلدازجلد عدالت عظمیٰ میں پیش کرنا ہے۔

حساس اداروں تکنیکی اور انٹیلی جنس بنیادوں پر مدد کریں، آئی جی سندھ کا کہنا ہے کہ ملزم راؤانوار بیس جنوری کو بذریعہ پی آئی اے صبح اسلام آباد گیا۔

تئیس جنوری کو ملزم نےاسلام آباد سے دبئی فرار ہونے کی کوشش کی، ایف آئی اے امیگریشن نے راؤانوار کو باہرجانے سےروکا۔

راؤ انوار ملک سے فرار ہونے کی کوشش کررہا ہے۔ واضح رہے کہ سپریم کورٹ نے راؤانوار کو نقیب اللہ محسود کی جعلی مقابلے میں ہلاکت کے الزام میں تین روز کے اندر پیش کرنے کا حکم دیا ہوا ہے۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top