سلیم شہزاد کے خلاف مقدمات کی فائلیں تلاش کر رہے ہیں، راؤ انوار
The news is by your side.

Advertisement

سلیم شہزاد کے خلاف مقدمات کی فائلیں تلاش کر رہے ہیں، راؤ انوار

کراچی : ایس ایس پی ملیر راؤ انوار نے کہا ہے کہ ایم کیو ایم کے سابق رہنما سلیم شہزاد کے خلاف این آراو مقدمات کی فائلیں تلاش کر رہے ہیں تاہم ابھی دہشت گردوں کے علاج معالجے میں سہولت کار بننے پر ڈاکٹر عاصم کیس میں حراست میں ہیں۔

ایس ایس پی ملیر نے میڈیا سے بات کرتے ہوئے کہا کہ ایم کیو ایم کے بانی رکن سلیم شہزاد کے خلاف درج مقدمات کی فائلیں غائب کردی گئی ہیں جنہیں تلاش کیا جا رہا ہے اور جلد نہ صرف یہ کہ مقدمات کی فائلیں بازیاب کرالیں گے بلکہ فائلیں غائب کرنے والوں کو بھی گرفتار کیا جائے گا۔


ایم کیو ایم کے مرکزی رہنما سلیم شہزاد کراچی ایئر پورٹ سے گرفتار 


انہوں نے کہا کہ سلیم شہزاد کے این آراو کے تحت بند ہونے والے تمام مقدمات کھولےجائیں گے اور اب این آر او سےکوئی ملزم فائدہ نہیں اٹھاسکےگا کیوں کہ پہلے ہی سابق چیف جسٹس افتخارچوہدری نےمقدمات دوبارہ کھول دیئےتھے۔

ایس ایس پی ملیر نے مزید کہا کہ این آر او سےفائدہ اٹھانے والے تمام افراد کی فائلیں ڈھونڈ رہے ہیں اور سلیم شہزاد سمیت کسی بھی ملزم کو این آر او کے پیچھے چھپنے کی اجازت نہیں دیں گے جب کہ سلیم شہزاد کو کل تفتیشی پولیس عدالت میں پیش کرےگی۔

واضح رہے کہ ایم کیو ایم کے سابق مرکزی رہنما سلیم شہزاد دو دھائیوں پر مشتمل خود ساختہ جلا وطنی ختم کر کے نئے سیاسی سفر کی بنیاد رکھنے آج ہی وطن واپس لوٹے تھے تا ہم انہیں کراچی ایئر پورٹ سے حراست میں لے لیا گیا تھا۔

Comments

comments

یہ بھی پڑھیں