اپنی زندگی میں بھانت بھانت کے لوگوں سے ملتے ہوئے، ہر طرح کے رویوں کا سامنا کرتے ہوئے کیا آپ کو کبھی یہ خیال گزرا ہے کہ آپ کی زندگی میں آنے والا کوئی شخص اس زمین کے لوگوں سے منفرد، کوئی خلائی مخلوق بھی ہوسکتا ہے؟
کسی شخص کے بارے میں اگر کہا جائے کہ یہ اس زمین سے تعلق نہیں رکھتا، اور سیارہ مریخ یا سیارہ زہرہ سے آیا ہے تو بظاہر یہ بات ناقابل یقین لگتی ہے، لیکن ماہرین چند افراد کے بارے میں ایسا گمان رکھتے ہیں۔
دراصل یہ افراد دنیا کے وہ 15 فیصد افراد ہیں جن میں اب تک معلوم شدہ خون کے نمونوں میں سے دنیا کا نایاب ترین نمونہ یا بلڈ گروپ پایا جاتا ہے، یہ بلڈ گروپ آر ایچ نیگیٹو ہے اور یہ اس قدر نایاب ہے کہ بعض اوقات یہ زمین سے الگ کسی اور سیارے کا پیدا کردہ لگتا ہے۔
ماہرین کے مطابق اس نایاب ترین بلڈ گروپ کے حامل افراد دیگر افراد سے ممتاز تو ضرور ہوتے ہیں تاہم ان میں قبل از وقت موت کے خطرات بہت زیادہ ہوتے ہیں، کیونکہ اگر یہ کسی حادثے کا شکار ہوجائیں تو پھر ان کے لیے بچنا ناممکن ہوتا ہے کیونکہ ان کا بلڈ گروپ آسانی سے نہیں مل سکتا۔
ایسے افراد کسی دوسرے شخص کو اپنا خون دے تو سکتے ہیں تاہم ان کا جسم کسی دوسرے قسم کا خون قبول کرنے سے انکار کردیتا ہے۔
آر ایچ نیگیٹو بلڈ گروپ رکھنے والے افراد حیران کن طور پر نمایاں جسمانی خصوصیات رکھتے ہیں۔ ان کی آنکھیں سبز یا نیلی ہوتی ہیں، بال نارنجی مائل ہوتے ہیں جبکہ ان کے جسم کا درجہ حرارت قدرتی طور پر سرد ہوتا ہے اور یہ گرم درجہ حرارت برداشت نہیں کرسکتے۔
یہ افراد جسمانی، دماغی اور جذباتی طور پر بھی دیگر عام افراد سے مختلف ہوتے ہیں۔
آر ایچ نیگیٹو بلڈ گروپ رکھنے والی خواتین جب بچے کو جنم دیتی ہیں اور اگر ان کے بچے کا بلڈ گروپ بھی یہی ہو تو انہیں سخت پیچیدگیوں کا سامنا کرنا پڑ سکتا ہے کیونکہ کہا جاتا ہے کہ ایسے خون کی حامل ماں کا جسم خود ہی بچے کو قتل کرنے کی کوششوں میں ہوتا ہے۔
دنیا کا یہ نایاب ترین بلڈ گروپ رکھنے والے یہ افراد زیادہ تر شمالی یورپ میں موجود ہیں۔
