ایم کیو ایم کے رکن قومی اسمبلی رشید گوڈیل نے کراچی کو خیرباد کہہ دیا -
The news is by your side.

Advertisement

ایم کیو ایم کے رکن قومی اسمبلی رشید گوڈیل نے کراچی کو خیرباد کہہ دیا

اسلام آباد: ایم کیو ایم کے رکن قومی اسمبلی رشید گوڈیل امریکا سے پاکستان پہنچ گئے، انہوں نے کراچی کو خیر باد کہتے ہوئے اسلام آباد میں رہائشی اختیار کرلی۔

تفصیلات کے مطابق متحدہ قومی مومنٹ کے رکن قومی اسمبلی رشید گوڈیل علاج ادھورا چھوڑ کر وطن پہنچے تو کراچی کو خیر باد کہتے ہوئے اسلام آباد میں رہائش اختیار کرلی ۔

اے آر وائی نیوز سے گفتگو کرتے ہوئے رشید گوڈیل کا کہنا تھا کہ انہوں نے کراچی کے علاقے بہادر آباد میں اپنا اپارٹمنٹ بیچ کر امریکا میں علاج کے لیے رقم کا انتظام کیا تھا، پہلے مرحلے کے بعد ڈاکٹر نے انہیں علاج کے دوسرے مرحلے کے لیے چوبیس اگست کی تاریخ دی ہے، ان کے پاس اب مزید رقم نہیں بچی۔

انہوں نے کہا کہ ان کے پاس علاج کے پیسے ختم ہو گئے اب علاج کا دوسرا مرحلہ کیسے مکمل کراوٴں۔

ان کا کہنا تھا کہ کراچی میں اب کوئی رہائش نہیں اس صورتحال کے باعث انہوں نے اسلام آباد میں مستقل رہائش اختیار کر لی ہے،وہ قومی اسمبلی کی حیثیت سے پارلیمنٹ لاجز میں مقیم ہیں۔

واضح رہے کہ ایم کیو ایم کے رہنما رشید گوڈیل گذشتہ سال اگست میں نامعلوم افرادکی فائرنگ سے شدید زخمی ہو گئے تھے۔

Comments

comments

یہ بھی پڑھیں