افغانستان کے مایہ ناز لیگ اسپنر راشد خان کی افطاری بناتے ہوئے ویڈیو سوشل میڈیا پر وائرل ہوگئی۔
افغانستان کے لیگ اسپنر راشد خان نے انسٹاگرام اور ٹویٹر پر اپنی ویڈیو شیئر کی جس میں انہوں نے بتایا کہ وہ افطاری کے لیے ایک خاص ڈش بنارہے ہیں جسے انہوں نے ’افغان چکن‘ کا نام دیا۔
ویڈیو میں دیکھا جاسکتا ہے کہ راشد خان بڑی مہارت سے چکن کاٹ رہے اور سالن بھی بنارہے ہیں۔
راشد خان نے مداحوں کی آسانی کے لیے افغان چکن بنانے کی مکمل ترکیب بھی دکھائی۔
View this post on Instagram
افغان کرکٹر کی ویڈیو وائرل ہوئی تو سوشل میڈیا صارفین کی جانب سے اس پر دلچسپ تبصرے کرنے کا سلسلہ شروع ہوگیا۔
ایک خاتون صارف نے سوال کیا کہ کیا آپ سنگل ہیں؟ میں اپنے لیے پوچھ رہی ہوں۔‘
Are you single asking for myself obviously? 🥵
— Alishba (@alishbahaha_) April 6, 2022
ایک صارف نے راشد خان کو مشورہ دیا کہ بھائی شادی کرلو، اتنی محنت کیوں کررہے ہو۔
کچھ صارفین کی جانب سے راشد خان کو دیگر کھانے بنانے کے مشورہ دیے جاتے رہے اور صارفین نے ان کی ویڈیو کو پسند بھی کیا۔