کراچی: پاکستان کرکٹ ٹیم کے سابق کپتان اور وکٹ کیپر بلے باز راشد لطیف نے بھی سیاست میں آنے کا عندیہ دے دیا۔
ایک انٹرویو کے دوران سابق کپتان اور وکٹ کیپر بلے باز راشد لطیف سے سوال کیا گیا کہ اگر وہ الیکشن میں حصہ لیتے ہیں تو وہ کس جماعت کے ٹکٹ پر انتخابی میدان میں اتریں گے۔
سابق کپتان نے جواب میں فوراً کہا کہ اگر وہ الیکشن لڑنے کا فیصلہ کرتے ہیں تو وہ ایم کیو ایم کی جانب سے الیکشن لڑیں گے۔
کبھی الیکشن میں کھڑا ہوا تو ایم کیوایم سے کھڑا ہوں گا وہ بھی اس ایم کیوایم سے۔۔۔ سابق کپتان راشد لطیف کا سوال پر جواب pic.twitter.com/S2wuhMCzrH
— Shahid Hussain (@ShahidHussainJM) March 15, 2026
اُن سے سوال ہوا کہ وہ انتخابات میں کب کھڑے ہوں گے تو انہوں نے جواب دیا کہ وہ ریٹائرمنٹ کے بعد الیکشن میں کھڑے ہوں گے۔
واضح رہے کہ راشد لطیف کرکٹ کوچ اور سابق وکٹ کیپر کپتان رہے ہیں، انہوں نے پاکستانی کرکٹ ٹیم کے لیے ٹیسٹ کرکٹ اور ایک روزہ بین الاقوامی میچوں میں 1992ء اور 1997ء کے درمیان بطور وکٹ کیپر دائیں ہاتھ کے بلے باز کے طور پر اپنی ذمہ داریاں بخوبی نبھائی ہیں۔
صاحبزادہ فرحان آئی سی سی پلیئر آف دی منتھ کیلئے نامزد
اُنہوں نے 2003ء میں قومی کرکٹ ٹیم کے کپتان کے طور پر بھی خدمات انجام دیں، انھوں نے 6 ٹیسٹ اور 25 ایک روزہ میچوں میں پاکستان کی قیادت کی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں