The news is by your side.

Advertisement

انڈا ہاتھ میں لے کر 30 سیکنڈز میں‌ 36 کین پھاڑنے کا ریکارڈ

کراچی : مارشل آرٹ کے کھلاڑی ماسٹر راشد نسیم نے ایک اور عالمی ریکارڈ بنانے کا دعویٰ کردیا۔ ثابت انڈہ مُٹّھی میں لے کر تیس سکینڈ میں چھتیس کین پھاڑ ڈالے۔

تفصیلات کے مطابق کراچی سے تعلق رکھنے والے مارشل آرٹ کے کھلاڑی ماسٹر راشد نسیم نے ایک اور عالمی ریکارڈ بنانے کا دعویٰ کردیا۔ ریکارڈز کے شہنشاہ راشد نسیم نے عالمی ریکارڈ کا پہاڑ بھی سر کرلیا۔

انہوں نے ثابت انڈہ مُٹّھی میں لے کر تیس سکینڈ میں چھتیس کین پھاڑڈالے۔ راشد نسیم کے ہاتھ میں موجود انڈا بھی سلامت رہا، تابڑ توڑ مکوں سے انڈہ تو نہ ٹوٹا لیکن کین ضرور ٹوٹ گئے۔

چھیتس کین توڑ کر ماسٹر راشد گینز بک میں انیسواں ریکارڈ درج کرانے کیلئے پرعزم ہیں۔ راشد نسیم کے اس ریکارڈ کی ویڈیوز مختلف زاویوں سے ریکارڈ کرکے گینز بک آف ورلڈ ریکارڈ کو بھیج دی گئیں ہیں۔

مزید پڑھیں : کراچی کے محمد راشد نے روم میں 70 کین توڑ کر ورلڈ ریکارڈ بنا ڈالا

ویڈیو کلیئر ہونےکی صورت میں راشد نسیم کے پاس ایک اور ورلڈ ریکارڈ آجائےگا۔ یاد رہے کہ اس سے قبل راشد نسیم کا نام اٹھارہ بار گینز بگ میں شامل کیا جا چکا ہے۔

مزید پڑھیں: کراچی کے راشد نسیم نے ماتھے سے 43 ناریل توڑ کر ریکارڈ بنالیا

Print Friendly, PDF & Email

Comments

comments

یہ بھی پڑھیں