ممبئی: بالی وڈ کے معروف اداکار وجے دیورکونڈا اور اداکارہ رشمیکا مندانا کی شادی کی تصویر سوشل میڈیا پر وائرل ہوگئی۔
میڈیا رپورٹس کے مطابق افواہیں گردش کر رہی ہیں کہ وجے دیورکونڈا اور رشمیکا مندانا نے خفیہ طور پر شادی کرلی ہے۔
مداح اس وقت حیرت میں پڑ گئے جب دونوں فنکاروں کی شادی کے لباس میں تصویر سامنے آئی۔
تحقیق کرنے پر پتا چلا کہ یہ تصویر جعلی ہے۔ کسی مداح نے تصویر کو ایڈٹ کر کے اپنے سوشل میڈیا اکاؤنٹ سے شیئر کیا اور پھر یہ دیگر پلیٹ فارمز پر بھی پھیل گئی۔
وجے دیورکونڈا نے ’کافی ود کرن‘ میں رشمیکا سے اپنے تعلق کے بارے میں کھل کر گفتگو کی تھی۔
اداکار کا کہنا تھا کہ ہم نے ایک ساتھ 2 فلمیں کیں۔ مجھے رشمیکا بہت پسند ہے اور وہ میری ایک اچھی دوست ہے۔
وجے دیورکونڈا اور رشمیکا مندانا نے 2018 میں ریلیز ہونے والی فلم ’گیتا گووندم ‘ اور 2019 میں فلم ’ڈیئر کامریڈ‘ میں ایک ساتھ کام کیا۔
اداکار جوڑی کو ان فلموں میں دیکھ کر مداحوں نے کافی پسند کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں