کراچی: بھارتی ٹی وی پر نشر ہونے والے ڈرامے ’ساتھ نبھانا ساتھیا‘ کی اداکارہ ’کوکیلا بین‘ کے مشہور ڈائیلاگ رسوئی میں کون تھا کے بعد سوشل میڈیا پر میمز کا طوفان تھمنے کا نام نہیں لے رہا اور مختلف ویڈیوز سوشل میڈیا پر وائرل ہورہی ہیں۔
پاکستانی ڈرامہ اور فلم انڈسٹری کی خوبرو اداکارہ ہانیا عامر نے رسوئی میں کون تھا؟ کی میمز میں حصہ لیتے ہوئے مزاحیہ ویڈیو بنائی جو سوشل میڈیا پر وائرل ہوگئی۔
اداکارہ نے سماجی رابطے کی ویب سائٹ انسٹاگرام پر کوکیلا بین کے مشہور ڈائیلاگ پر اپنے چند دوستوں کے ہمراہ رقص کیا، ویڈیو میں دیکھا جاسکتا ہے کہ ہانیا عامر اور ان کے دوست میمز پر رقص کرتے ہوئے ڈائیلاگ بھی ادا کررہے ہیں۔
مداحوں کی جانب سے ہانیا عامر کی مزاحیہ ویڈیو کو خوب سراہا جارہا ہے اور دلچسپ تبصرے کیے جارہے ہیں۔
واضح رہے کہ چند روز قبل بھی ہانیا نے کوکیلا کی تصویر کے ساتھ پوسٹ شیئر کی اور لکھا تھا کہ ’رسوئی میں‘ میں تھی، انہوں نے تصویر کے نیچے یہ بھی لکھا کہ جیسے کوکیلا کہہ رہی ہیں کہ ’اچھا پھر ٹھیک ہے۔‘
اس سے قبل اداکارہ منال خان نے بھی سماجی رابطے کی ویب سائٹ پر بھارتی ڈرامے پر ٹرول کرتے ہوئے لکھا تھا کہ رسوئی میں کون تھا؟ جس پر ان کی بہن ایمن خان نے جواب دیتے ہوئے ہوئے کہا تھا کہ ’مجھے نہیں پتا۔‘
بھارتی ڈرامے کی ویڈیو سوشل میڈیا پر تیزی سے وائرل ہوئی اور بھارتی گلوکار نے اس ڈائیلاگ پر گانا بنادیا جس کے بول تھے رسوئی میں کون تھا؟ میں راشی راشی۔
First World Problems • Made Kokila Ben sing this time • I love doing harmonies, enjoyed this one a lot •
Kahi share karoge toh credits zaroor dena. Dhanyawaad!♥️♥️♥️#kokilaben #gopinahu #rashi #cooker #saathnibhanasaathiya #yashrajmukhate #ymstudios pic.twitter.com/4TcWwAcH7q— Yashraj Mukhate (@YBMukhate) August 21, 2020
خیال رہے کہ بھارتی چینل سے نشر ہونے والے ڈرامے ساتھ نبھانا ساتھیا، کی اداکارہ کوکیلا بین اور ڈرامے کے دوسرے کردار گوپی اور راشی بھی موجود تھیں اور کوکیلا بین ان ہی سے سوال کرتی ہوئی دکھائی دیں کہ رسوئی میں کون تھا؟
