پنوم پنھ: ایشیا کے جنوب مشرقی ملک کمبوڈیا میں بارودی سرنگوں کا کھوج لگانے والے چوہے کو اعلیٰ سول ایوارڈ سے نواز دیاگیا۔
بین الاقوامی میڈیا رپورٹ کے مطابق کمبوڈیا میں بارودی سرنگوں کا کھوج لگانے کے لیے بم ڈسپوزل اسکواڈ کے عملے نے چوہے کو تربیت دی جس کے بعد وہ مائنز تلاش کرنے کا ماہر ہوگیا۔
تربیتِ یافتہ اہلکاروں کی نگرانی میں چوہے نے نہ صرف بارود کا کھوج لگانے کی مشق مکمل کی بلکہ ماہرین نے اُس کی تربیت کی آزمائش بھی کی۔
ماہرین نے ٹریننگ مکمل ہونے کے بعد ایک مقام پر بارود زمین میں دبایا اور چوہے کو رسی سے باندھ کر اُسے تلاش کرنے کے لیے نکل پڑے، بہادر چوہے نے کئی میٹر فاصلے پر سونگ کر مواد کی نشاندہی کی۔
بعد ازاں اسے سرحدی علاقے میں بھی چھوڑا گیا جہاں اُسے نے مائنز کی نشاندہی کی۔ اب چوہے کو باقاعدہ ایلیٹ فورس میں شامل کرلیا گیا ہے جو دھماکا خیز مواد سونگ کر اُس کی شناخت کرتا ہے اور پھر سیکیورٹی اہلکار اُسے ناکارہ بنادیتے ہیں۔
سیکیورٹی ماہرین کے مطابق چوہے نے اب تک 28 بارودی سرنگوں کی نشاندہی کی جن کو ناکارہ بنایا گیا۔
ان مائنز کو ناکارہ بنا کر سیکڑوں لوگوں کی جان بچائی گئی۔ برطانوی حکام نے مثالی کارکردگی دکھانے پر چوہے کو اعلیٰ سول ایواڈ سے نوازا۔
Drumroll please! 🥁 Say hello to Magawa 👋 the first rat to be awarded the #PDSAGoldMedal & one of APOPO’s @HeroRATs trained to detect landmines 🐀 He’s discovered 39 landmines making him their most successful HeroRAT🦸♂️ Watch his full story here 👀: https://t.co/so5CNCWlUw pic.twitter.com/YrVy2NWotW
— PDSA (@PDSA_HQ) September 25, 2020
