The news is by your side.

Advertisement

مخیر حضرات کی جانب سے تقسیم راشن دکانوں پر بیچا جانے لگا

کراچی : شہر قائد میں مفت راشن لیکر دکانوں میں فروخت کیا جانے لگا، متاثرین کا کہنا ہے مفت راشن خریدنے والے دکانداروں کیخلاف کارروائی کی جائے۔

تفصیلات کے مطابق کراچی میں مخیر حضرات کی جانب سے تقسیم راشن دکانوں پر بیچا جانے لگا، گلستان جوہر میں مفت راشن لیکر دکانوں میں فروخت کیا جارہا ہے۔

اے آر وائی نیوز کے نمائندے کے مطابق مختلف علاقوں میں موجود بھکاری مافیا مخیر حضرات کی جانب راشن لے کر اپنے استعمال میں لاتے ہیں اور فروخت کردیتے ہیں۔

متاثرین کا کہنا ہے کہ مفت راشن خریدنے والے دکانداروں کیخلاف کارروائی کی جائے، غریبوں کی حق تلفی میں ایسے دکاندار برابر کے شریک ہیں۔

شہر میں لاکھوں سفید پوش خاندان بھوک وافلاس کا شکارہیں، تاہم حکومتی سطح پر ایسے عناصر کی سرکوبی کیلئے کوئی قانون موجود نہیں۔

یاد رہے سندھ حکومت نے لاک ڈاؤن کے باعث متاثر ہونے والے افراد کو راشن تقسیم کرنے کے لیے 58 کروڑ روپے جاری کئے ہیں، جن سے مستحقین کی مدد کی جائے گی۔

خیال رہے کہ کروناوائرس سے لڑنے کے لیے ہر سطح پر اقدامات کیے جارہے ہیں، وفاق نے کروناریلیف فنڈ کا آغاز کیا جبکہ پنجاب اور سندھ بھی فنڈ سے متعلق خصوصی پروگرامز شروع کرچکے ہیں۔

fb-share-icon0
Tweet 20

Comments

comments

یہ بھی پڑھیں