The news is by your side.

چوہوں سے چھٹکارا حاصل کرنے کے آسان طریقے

کراچی : چوہے تقریباً ہر گھر کا مسئلہ ہوتے ہیں جن کو دیکھ کر ایک کراہیت سی محسوس ہوتی ہے، ان سے چھٹکارے کیلئے کئی جتن کیے جاتے ہیں۔

چوہے نہ صرف بے حد سخت جان ہوتے ہیں بلکہ انتہائی چالاک بھی کیونکہ ایک طرف نئی سے نئی اور زہریلی دوائیں ان پر اثرانداز نہیں ہوتیں تو دوسری جانب یہ خود بھی اتنے مکار ہیں کہ انسانی چالوں کو جلد ہی سمجھ جاتے ہیں اور ایسی جگہوں سے گزرنا ہی چھوڑ دیتے ہیں جہاں یہ دوائیں ڈالی جاتی ہیں۔

اس کے باوجود چوہوں سے نجات اور انہیں ہلاک کرنے کے کچھ طریقے ایسے ہیں جو پرانے، روایتی اور گھریلو قسم کے ضرور ہیں لیکن آج بھی مؤثر ہیں جنہیں اختیار کرکے آپ کو مہنگی چوہے مار دواؤں کی ضرورت نہیں رہے گی۔

Benefits of Peppermint Oil: Uses, Side Effects & Research

پودینے کا تیل

چوہوں کو پودینے کی تیل کی خوشبو بالکل بھی پسند نہیں ہوتی۔ آپ کے گھر میں اگر چوہے آتے ہیں تو آپ تیل میں روئی کو ڈبو کر ان تمام جگہوں پر رکھ دیں جہاں سے چوہے گزرتے ہوں اور یہ عمل 4 سے 5 دن بعد دہرائیں اور پھر دیکھیں کہ چوہے کس طرح آپ کے گھر سے بھاگ جائیں گے۔

Potato Flour: A Nutritious Gluten-Free Flour Option - SPICEography

آلو کا پاؤڈر

پودینے کے تیل کی طرح آپ چوہے کی گزرگاہوں پر آلو کا پاؤڈر چھڑک دیں، جسے وہ فوراً کھائیں گے اور کھاتے ہی ان کی آنتیں سوجھ جائیں گی جس کے بعد وہ مرجائیں گے۔

Looking to boost your health? Try onion tea | Lifestyle News,The Indian  Express

پیاز

پیاز کی بو چوہوں کو ذرا نہیں بھاتی اور اس کی مہک سے وہ فوری طور پر اپنی جگہ چھوڑ دیتے ہیں، اور یہ عمل آپ کو ہر ایک دن بعد دہرانا ہے۔

وزن کم کرنے میں اثر دار ہے کوکو پاؤڈر اور بھی ہے فائدے - Urdu Post India

کوکا پاؤڈر اور پلاسٹر آف پیرس

گھر کی ان تمام جگہوں پر آپ تھوڑا سا کوکا پاؤڈر اور پلاسٹرآف پیرس چھڑک دیجیے، جہاں سے چوہے آتے جاتے ہیں، یہ مکسچر کھاتے ہی وہ پانی کی تلاش میں فوری طور پر آپ کے گھر سے بھاگ جائیں گے اور تھوڑی ہی دیر بعد مرجائیں گے۔

What Is Cayenne Pepper Used For?

لال مرچ

گھرکے کچن میں موجود لال مرچوں کے استعمال سے بھی آپ چوہوں سے چھٹکارا پاسکتے ہیں۔ پسی ہوئی لال مرچ اپنے گھر کے تمام کونوں پر چھڑک دیں جس سے چوہے فوری طور پر بھاگ جائیں گے۔

All About Garlic

لہسن

لہسن کا ایک جوا یا پھر لہسن اور پانی کا مکسچر چوہوں کی گزرگاہوں پر رکھ دیجیئے اور دیکھیے کہ کس طرح آپ چوہوں سے چھٹکارا پالیں گے۔

Clove benefits for men- More than just a spice! - 24 Mantra Organic

لونگ

گرم مصالحے میں استعمال کی جانے والی لونگ یا اس کا تیل چوہوں کو بالکل پسند نہیں ہوتا اور آپ اسی چیز کا فائدہ اٹھاتے ہوئے لونگ کی مدد سے چوہوں کو بھگا سکتے ہیں، اس کے لیے آپ نے چند لونگیں چوہوں کی گزرگاہوں پر رکھنی ہیں اور نتیجہ دیکھنا ہے۔

Comments

یہ بھی پڑھیں