The news is by your side.

Advertisement

گھر کی دیوار کے نیچے درجنوں سانپ، خوفناک ویڈیو وائرل

امریکی ریاست کیلیفورنیا کے ایک گھر کے نیچے سے ایک ساتھ درجنوں کرکرے سانپوں کی ویڈیو نے صارفین کو حیران کردیا ہے۔

زہریلے سانپوں کو پکڑنے والے ادارے کے ایک اہلکار نے گھر کی دیوار سے ملحق زمین کی جانب اچانک 100کے قریب ایسے سانپ دیکھے جو انتہائی خطرناک تصور کیے جاتے ہیں۔

کیلیفورنیا کے ایک شخص کے گھر کی ویڈیو اس وقت سوشل میڈیا پر خوب وائرل ہورہی ہے جسے دیکھ کر جِھرجِھری طاری ہوجاتی ہے، اس ویڈیو میں میں کُرکُرے (ریٹل) سانپوں کا ایک ڈھیر دیکھا جاسکتا ہے۔

غیر ملکی خبر رساں ادارے کی رپورٹ کے مطابق سانپوں کو قابو کرنے والے ادارے کے اہلکار ایل وولف نے میڈیا کو بتایا کہ مجھے گھر کی ایک دیوار کے نیچے پہلے ایک سانپ رینگتا ہوا نظر آیا تو اسے لفٹر کے ذریعے اٹھایا گیا۔

جس کے بعد وہ یہ دیکھ کر حیران رہ گیا کہ اس کے نیچے ایسے مزید تقریباً سو کے قریب سانپ موجود تھے جو اپنی دم ہلا کر خاص آواز پیدا کرتے ہیں اور اسی بنا پر انہیں ریٹل اسنیک کہا جاتا ہے۔

وولف نے میڈیا کو بتایا کہ سانپوں کو اس جگہ سے منتقل کرنے میں تقریباً تین گھنٹے لگے مجھے اس گھر کے نیچے سے کل92ریٹل سانپ ملے تھے، جس کے بعد میں نے ان سانپوں کی تصاویر کو فیس بک پر پوسٹ کیا۔

Comments

یہ بھی پڑھیں