The news is by your side.

Advertisement

عامر خان کو روینہ ٹنڈن سے مذاق کرنا مہنگا پڑ گیا

ممبئی: بالی وڈ کی معروف اداکارہ روینہ ٹنڈن نے ”مسٹر پرفیكشنسٹ“ عامر خان سے فلم ”انداز اپنا اپنا“ کی شوٹنگ کے دوران مذاق کرنے پر بدلہ لے لیا۔

اداکارہ روینہ ٹنڈن نے ایک ٹی وی شو میں گفتگو کرتے ہوئے بتایا کہ فلم ”انداز اپنا اپنا“ کے سیٹ پر عامر خان نے میرے ساتھ مذاق کیا تھا، مجھے اب بھی وہ یاد ہے۔

روینہ ٹنڈن نے کہا کہ میں اور عامر خان گھوڑا گاڑی پر سوار ہو کر فلم کی شوٹنگ میں مصروف تھے، یہ واقعی ایک یادگار لمحہ تھا مگر میرے علم میں نہیں تھا کہ عامر خان کے ساتھ باقی لوگ بھی مجھ سے مذاق کرنے کا پلان بنا رہے ہیں۔

اداکارہ نے بتایا کہ ہم گاڑی کے اندر بیٹھے تھے اور عامر میرے پیچھے کھڑا تھا جب میں اپنا میک اپ کروا رہی تھی، اس نے چائے کا ایک کپ منگوایا اور اچانک اس چائے کے گرم کپ کو جان بوجھ کر میری طرف گرانا چاہا جس سے میں ڈر گئی۔

انہوں نے کہا کہ مجھے بعد میں علم ہوا کہ وہ چائے کا کپ خالی تھا اور اسے دھاگے کی مدد سے پلیٹ کے ساتھ باندھا گیا تھا۔

روینہ ٹنڈن نے کہا کہ جب میرے ساتھ یہ مذاق ہوا تو سب لوگ ہنس وہے تھے اور میں نے اسی دوران بدلہ لینے کا ارادہ کیا، شوٹنگ کے دوران وین موجود نہیں تھی اور عامر خان کو واش روم کے لیے کافی دیر پیدل چلنا پڑا۔

اداکارہ نے کہا کہ اچانک موسم کی خرابی کی وجہ سے ڈائریکٹر راج کمار سنتوشی جی نے ہمیں دن بھر کے لیے سامان تیار کرنے کی ہدایت کی، اس دوران میں نے سروج جی سے درخواست کی کہ عامر کو ایک مشکل مرحلہ دیں اور انہوں نے ایسا ہی کیا، پیکنگ کے لیے عامر خان اکیلے محنت کر رہے تھے جبکہ میں گاڑی میں آرام کر رہی تھی، عامر خان کو 30 منٹ کے بعد معلوم ہوا کہ میرے ساتھ مذاق کیا جا رہا ہے۔

روینہ ٹنڈن نے کہا کہ وہ سن یاد کر کے چہرے پر آج بھی مسکراہٹ آجاتی ہے۔

Comments

یہ بھی پڑھیں