یو اے ای میں جاری ایشیا کپ کے سپر فور مرحلے سے قبل بھارتی ٹیم کو دھچکا لگ گیا۔
تفصیلات کے مطابق ایشیا کپ میں پاکستان کے خلاف بھارت کی جیت میں اہم کردار ادا کرنے والے آل راؤنڈر رویندرا جڈیجا انجرڈ ہوگئے۔
بھارتی میڈیا کے مطابق رویندرا جڈیجا دائیں گھٹنے میں تکلیف کے سبب ایشیا کپ سے باہر ہوگئے ہیں۔
آل راؤنڈر کی جگہ اسپنر اکشر پٹیل کو اسکواڈ میں شامل کرلیا گیا ہے۔
BREAKING NEWS: Ravindra Jadeja injured, out of Asia Cup. Axar replacement @BCCI #AsiaCup2022
— Vikrant Gupta (@vikrantgupta73) September 2, 2022
واضح رہے کہ رویندرا جڈیجا نے پاکستان کے خلاف میچ میں 29 گیندوں پر 35 رنز کی اننگز کھیلی تھی جبکہ آل راؤنڈر نے ہانگ کانگ کے خلاف میچ میں بھی شاندار بولنگ کرتے ہوئے 4 اوورز میں صرف 15 رنز دیے تھے۔
یاد رہے کہ بھارتی آل راؤنڈر جولائی میں بھی دائیں گھٹنے میں تکلیف کی وجہ سے ویسٹ انڈیز کے خلاف سیریز سے باہر ہوگئے تھے اب وہ اسی انجری کی وجہ سے ایشیا کپ سے بھی باہر ہوگئے ہیں۔
