The news is by your side.

Advertisement

را کیلئے جاسوسی کرنیوالا ملزم گرفتار، تنصیبات کی تصاویر، نقشے اور ویڈیو برآمد

لاہور: حساس اداروں نے کارروائی کرکے را کے لئے جاسوسی کرنے اور تخریب کاری کے منصوبے بنانے والے پولیس اہلکار کو گرفتار کرلیا۔

تفصیلات کے مطابق پاکستان میں ہونیوالی دہشت گردی میں را کے ملوث ہونے کے ثبوت مل گئے۔ حساس اداروں نے لاہور میں کارروائی کرکےجاسوسی اور تخریب کاری کا بڑا منصوبہ ناکام بنادیا۔

حساس اداروں نے را کے لئے جاسوسی کرنے والے واہگہ کے قریبی گاؤں کے رہائشی کو گرفتار کرلیا۔ ذرائع کے مطابق ملزم سی آئی اے پولیس پنجاب کا ملازم ہے۔

ڈی آئی جی آپریشنز ڈاکٹر حیدر اشرف نے دعویٰ کیا ہے کہ حساس اداروں نے کسی اہلکار کو گرفتار نہیں کیا ہے۔  ملزم کا خفیہ نام پرویز اور اصل نام محمد الیاس ہے۔ اس کے قبضے سے حساس تنصیبات کی تصاویر، نقشے اور ویڈیو برآمد ہوئی ہیں۔

ملزم سرحد پر دفاعی مورچوں اور بی آر بی پلوں کی ویڈیو تصاویر میموری کارڈ کے ذریعے بھارتی ایجنسی کو فراہم کرتا تھا۔

حساس اداروں کے مطابق ملزم بیس سے زائد مرتبہ غیر قانونی طور بھارت جاچکا ہے اور وہ را کے باجوہ نامی آفیسر سے ہدایات لیتا تھا۔

ملزم نے انکشاف کیا کہ دہشت گردی کیلئے چار سے پانچ مزید نیٹ ورک پنجاب میں کام کررہے ہیں اور ہرگروپ میں تین سے چار ایجنٹ ہیں۔

ملزم نے بتایا کہ بھارتی ایجنسی را کے افسران کے پاس بڑی تعداد میں پاکستانی موبائل سمز موجود ہیں جس کے ذریعے وہ نیٹ ورک کے ارکان کو ہدایت دیتے ہیں۔


Lahore Police arrest suspected RAW agent by arynews

Comments

comments

یہ بھی پڑھیں