The news is by your side.

Advertisement

را کےایجنٹ کی گرفتاری، بھارتی ہائی کمشنرکی دفترخارجہ میں طلبی

اسلام آباد : بھارتی ایجنٹ کی گرفتاری پر دفتر خارجہ نے شدید ردعمل کا اظہار کرتے ہوئے بھارتی ہائی کمشنر کو طلب کرلیا۔ پنجاب اسمبلی میں قرارداد جمع کرادی گئی ۔

تفصیلات کے مطابق بلوچستان سے حاضر سروس را ایجنٹ کلبھوشن یادیو کی گرفتاری پراسلام آباد میں بھارتی ہائی کمشنر کو طلب کرلیا گیا۔

دفتر خارجہ میں بھاتی ہائی کمشنر سے وضاحت طلب کی گئی۔ دفتر خارجہ کا کہنا ہے کہ را کا افسر پاکستان میں دہشت گردی میں ملوث ہے۔ دہشت گردی کو ہوا دینے کے ناقابل تردید شواہد ملے ہیں۔

دفترخارجہ نےبھارتی ہائی کمشنرسےکہا کہ اس معاملےپراپنی حکومت سے تحریری جواب حاصل کرکے آگاہ کریں۔ ادھربھارتی ایجنٹ کی گرفتاری پر پنجاب اسمبلی میں تحریک انصاف نے قرارداد جمع کرادی۔

اپوزیشن لیڈرمحمودالرشید نےمطالبہ کیا ہے کہ بھارتی سفیر سے واضح موقف لیا جائے ورنہ انہیں ملک بدر کردیا جائے۔

Print Friendly, PDF & Email

Comments

comments

یہ بھی پڑھیں