اسلام آباد : پاکستان تحریک انصاف کے سربراہ عمران خان نے مطالبہ کیا ہے کہ را کے ایجنٹ کے معاملےپربھارت کو بھی پاکستان سے تعاون کرنا چاہئیے۔
اسلام آباد سے جاری بیان میں چیئر مین تحریک انصاف نےکہا کہ راکے افسر کی پاکستان میں موجودگی انتہائی تشویشناک ہے۔
انہوں نے کہا کہ را پاکستان میں عدم استحکام اور دہشت گردی میں ملوث ہے۔ را کے افسر کا بلوچستان سے گرفتار ہونا بھارت کے خطرناک عزائم کو ظاہر کرتا ہے۔
قوم کو بتایا جائے کہ کیسے بھارت پاکستان کو غیرمستحکم کرنے میں مصروف عمل ہے،عمران خان کا کہنا تھا کہ پاکستان پٹھان کوٹ حملے کی تحقیقات میں بھارت کی معاونت کر رہا ہے ہندوستان کو بھی مثبت انداز میں پاکستان کی مدد کرنا چاہئیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں