The news is by your side.

Advertisement

راولپنڈی سے افغان انٹیلی جنس کے پانچ اہلکار گرفتار

راولپنڈی : سکیورٹی فورسز نے افغان انٹیلی جنس کے پانچ اہلکاروں کو گرفتار کر لیا، تفصیلات کے مطابق حساس ادارے کے اہلکاروں نے راولپنڈی کے علاقے چک ویلی میں کارروائی کر کے پانچ مشتبہ افراد کو حراست میں لے لیا ہے۔

ذرائع کے مطابق پانچوں افراد افغان انٹیلی جنس کے اہلکار ہیں۔ سرچ آپریشن کے دوران افغان انٹیلی جنس کے پانچ اہلکاروں دولت خان، نذرخان، نادر خان، باز خان اور حسنین گل کو حراست میں لے کر نامعلوم مقام پرمنتقل کر دیا گیا ہے۔

افغان ایجنٹ پاکستان میں آمد اور رہائش کا کوئی ثبوت پیش نہیں کر سکے۔ان پانچوں افراد کو چند روز قبل اسلام آباد کے سیکٹر جی نائن میں ایک چھاپے کے دوران حراست میں لئے گئے دو افغان انٹیلی جنس اہلکاروں کی نشاندہی پر گرفتار کیا گیا ہے۔

یاد رہے کہ گزشتہ اک ہفتے کے دوران راولپنڈی اور اسلام آباد سے دوسری مرتبہ افغان انٹیلی جنس کے جاسوسوں کو پکڑا گیا ہے۔

Comments

comments

یہ بھی پڑھیں