The news is by your side.

Advertisement

راولپنڈی : فیکٹری میں خوفناک سلینڈر دھماکہ، دو افراد ہلاک متعدد زخمی

راولپنڈی : روات انڈسٹریل اسٹیٹ کے علاقے میں سلینڈر دھماکے کے نتیجے میں دو افراد ہلاک جبکہ دو زخمی ہوگئے، حادثے میں فیکٹری کی عمارت تباہ ہوگئی۔

تفصیلات کے مطابق راولپنڈی کے روات انڈسٹریل اسٹیٹ کے علاقے میں قائم ایک فیکٹری میں سلینڈر دھماکے سے پھٹ گیا۔ دھماکہ اس قدر  شدید تھا کہ اس کی آواز دور دور تک سنی گئی۔

اطلاع ملتے ہی پولیس اور امدادی ٹیمیں جائے وقوعہ پر پہنچ گئیں اور فوری طور پر کارروائی کا آغاز کردیا، ریسکیو ذرائع کے مطابق سلینڈر پھٹنے سے دو افراد جاں بحق اور دو زخمی ہوگئے۔

حادثے کے نتیجے میں فیکٹری کی عمارت بھی تباہ ہوگئی، فیکٹری سے راولپنڈی اور اسلام آباد کے مختلف اسپتالوں کو آکسیجن فراہم کیا جاتا تھا۔

سلینڈر دھماکے سے ہلاک افراد کی نعشیں اور زخمیوں کو مقامی اسپتال منتقل کیا گیا جہاں زخمیوں کو طبی امداد فراہم کی جارہی ہے۔ پولیس نے واقعے کی ابتدائی رپوٹ درج کرلی تاہم مزید تحقیقات جاری ہیں۔

Comments

یہ بھی پڑھیں