راولپنڈی: صوبہ پنجاب کے شہر راولپنڈی میں زمینی تنازعے نے چار افراد کی زندگیوں کا چراغ گل کردیا ہے۔
پولیس ذرائع کے مطابق کلر سیداں کے علاقے سموٹ میں زمین کے تنازعے پر چچا اور بھتیجوں کے درمیان جھگڑا ہوا، اسی دوران دونوں گروہوں نے ایک دوسرے پر فائرنگ کردی، فائرنگ کے نتیجے میں چار افراد قتل جبکہ چھ زخمی ہوگئے، فوری طور پر جاں بحق افراد کی شناخت نہیں ہوسکی ہے، لاشوں کو ضابطے کی کارورائی کے لئے اسپتال منتقل کردیا گیا ہے۔
آئی جی پنجاب نے کلر سیداں راولپنڈی میں چار افراد کے قتل کا نوٹس لیتے ہوئے آر پی او راولپنڈی سے واقعے کی رپورٹ طلب کرلی ہے، اپنے بیان میں آئی جی پنجاب نے ملزمان کو جلد ازجلدگرفتار کرکے سخت قانونی کارروائی کاحکم دیا۔
گذشتہ سال نومبر میں کے پی کے ضلع صوابی کے علاقے چھوٹا لاہور میں زمینی تنازعے نے آٹھ افراد کی زندگی کا خاتمہ کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں