The news is by your side.

Advertisement

راولپنڈی: نوجوان طالبہ سے اجتماعی زیادتی، تین پولیس اہلکار وں کا جسمانی ریمانڈ منظور

راولپنڈی: نوجوان طالبہ سے اجتماعی زیادتی کے الزام میں گرفتار تین پولیس اہلکاروں سمیت چار افراد کو جسمانی ریمانڈ پر بھیج دیا گیا۔

تفصیلات کے مطابق راولپنڈی میں دو روز قبل 24 سالہ لڑکی سے اجتماعی زیادتی کا کیس سامنے آیا تھا، پولیس نے واقعے کی تحقیقات کا آغاز کیا تو معلوم ہوا کہ ہاسٹل میں رہائش پذیر نوجوان طالبہ کو چار افراد نے زیادتی کا نشانہ بنایا۔

طالبہ کو تشویشناک حالت میں اسپتال منتقل کیا گیا جہاں میڈیکل رپورٹس میں زیادتی کی تصدیق بھی ہوئی، واقعے کا مقدمہ تھانہ روات میں درج کیا گیا جس کے بعد تین اہلکاروں سمیت چار افراد کو حراست میں لیا۔

پولیس نے ملزمان (پولیس اہلکار) محمد نصیر، راشد منہاس، محمد عظیم اور چوتھے عام شخص عامر کو مجسٹریٹ کی عدالت میں پیش کر کے تفتیش کے لیے ریمانڈ کی استدعا کی۔

ڈیوٹی مجسٹریٹ نے چاروں ملزمان کا جسمانی ریمانڈ منظور کرتے ہوئے انہیں تھانہ روات کی پولیس کے حوالے کردیا۔

Comments

comments

یہ بھی پڑھیں