The news is by your side.

Advertisement

سعودی ولی عہد کی آمد، راولپنڈی میں 18 فروری کو عام تعطیل کا اعلان

راولپنڈی: سعودی ولی عہد محمد بن سلمان کی آمد کے موقع پر 18 فروری کو اسلام آباد کے بعد راولپنڈی میں بھی عام تعطیل کا اعلان کردیا گیا۔

تفصیلات کے مطابق سعودی ولی عہد محمد بن سلمان کی آمد پر 18 فروری کو جڑواں شہروں میں عام تعطیل کا اعلان کردیا گیا ہے، تمام تعلیمی ادارے، دفاتر بند رہیں گے۔

راولپنڈی میں پیر کے روز چھٹی کا اعلان سعودی ولی عہد شہزادہ محمد بن سلمان کے دو روزہ دورے کے باعث کیا گیا ہے۔

چیئرمین سینیٹ صادق سنجرانی نے سعودی ولی عہد کی آمد پر 18 فروری کو سینیٹ ملازمین کو چھٹی دے دی۔

مزید پڑھیں: اسلام آباد میں 18 فروری کو عام تعطیل کا اعلان

ترجمان سینیٹ نے بتایا کہ ملازمین کو ممکنہ طور پر آمدورفت میں مشکلات کے باعث چھٹی دی گئی تاہم ایوان بالا کے ملازمین 19 فروری بروز منگل کو ڈیوٹی پر آئیں گے۔

دوسری جانب ترجمان قومی اسمبلی کے مطابق ایوان کا 18 فروری کی شام 4 بجے ہونے والا اجلاس اب 20 فروری کی شام 4 بجے ہوگا۔

واضح رہے کہ سعودی ولی عہد شہزادہ محمد بن سلمان آج تاریخی دورے پر پاکستان پہنچ رہے ہیں، پاکستان میں ان کے دورے کے سلسلے میں سیکورٹی کے تمام انتظامات مکمل کر لیے گئے ہیں جبکہ سعودی وزیر خارجہ عادل الجبیر پاکستان پہنچ چکے ہیں۔

Comments

comments

یہ بھی پڑھیں