راولپنڈی کے خان ریسرچ لیبارٹریز (کے آر یل) گراؤنڈ کو سابق فاسٹ بولر شعیب اختر کے نام سے منسوب کردیا گیا۔
تفصیلات کے مطابق قومی ٹیم کے سابق فاسٹ بولر شعیب اختر نے اپنے نام سے منسوب کرکٹ اسٹیڈیم کی تصاویر شیئر کیں اور کہا کہ اسٹیڈیم کا نام مجھ سے منسوب ہونا میرے لیے کسی اعزاز سے کم نہیں۔
شعیب اختر نے لکھا کہ لوگوں کی محبت کو الفاظ میں بیان کرنا میرے لیے ممکن نہیں ہے۔
سابق فاسٹ بولر نے لکھا کہ میں کم و بیش ہی لفظوں سے خالی ہوتا ہوں لیکن واقعی آج میرے پاس لوگوں کی محبت کو بیان کرنے کے لیے الفاظ نہیں ہیں۔
I have always done by best to serve Pakistan with utmost dedication and passionate determination, with integrity. To always keep our flag high. Today and everyday I wear the star on my chest with pride. Thank you, Pakistan. Zindabad pic.twitter.com/nCaPDKTZZ8
— Shoaib Akhtar (@shoaib100mph) March 13, 2021
شعیب اختر نے کہا کہ میں ںے پوری ایمانداری و لگن اور جذبے سے عزم و استقامت کے ساتھ پاکستان کی خدمت کے لیے ہمیشہ پوری کوشش کی ہے۔
انہوں نے لکھا کہ قومی پرچم بلند رکھنے کے لیے ہمیشہ کوشاں رہوں گا، پاکستان زندہ باد۔
