راولپنڈی میں ایک افسوسناک واقعہ پیش آیا جہاں ڈکیتی مزاحمت پر نویں جماعت کے طالب علم کو قتل کر دیا گیا۔
پولیس حکام کے مطابق واقعہ اڈیالہ روڈ پر پیش آیا ہے، ملزمان نے مقتول ابوبکر سے موبائل فونز اور موٹرسائیکل چھینےکی کوشش کی تھی۔
حکام کا کہنا ہے کہ ڈکیتی مزاحمت پر ملزمان نے ابوبکر کو گولی ماردی اور موبائل فون اور موٹرسائیکل لےکر فرار ہوگئے، پولیس نے مقدمہ درج کرکے مزید تفتیش شروع کر دی ہے۔
پولیس نے جائے وقوعہ سے شواہد اکٹھے کر لیے اور سی سی ٹی وی فوٹیج اور دیگر ذرائع کی مدد سے ملزمان کی تلاش کا عمل شروع کر دیا گیا ہے۔
جبکہ گزشتہ دنوں اورنگی ٹاؤن میں ڈاکوؤں نے ایک شہری کی مزاحمت کرنے پر جان لے لی تھی، مقتول تیرہ روز قبل اپنے والد کے انتقال پر سعودی عرب سے کراچی آیا تھا۔
ترجمان کراچی پولیس کے مطابق مقتول کی شناخت 25 سالہ جبران خان ولد جمع خان کے نام سے کی گئی، فائرنگ کا واقعہ ڈکیتی کی واردات کے دوران مزاحمت کرنے پر پیش آیا تھا۔
مقتول کے کزن قاسم اور دیگر رشتے داروں نے بتایا کہ مقتول جبران غیر شادی شدہ اور تین بہنوں اور دو بھائیوں میں دوسرے نمبر پر تھا,قبل اپنے والد کے انتقال پر سعودی عرب سے کراچی آیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں