The news is by your side.

Advertisement

راولپنڈی پولیس کی حراست اغواء برائے تاوان کے دو ملزمان فرار

راولپنڈی : پنڈی پولیس کی حراست سے اغوا برائے تاوان کے دو ملزمان فرار ہوگئے، ملزمان جسمانی ریمانڈ پر تھانہ ایئرپورٹ کے حوالات میں تھے۔

تفصیلات کے مطابق اغواء برائے تاوان کے ملزمان کے فرار ہونے کا واقعہ پنجاب کے شہر راولپنڈی میں پیش آیا جہاں پولیس کی حراست سے دو ملزمان فرار ہوگئے تاہم ملزمان کے دو ساتھی زخمی ہونے کی وجہ سے فرار نہیں ہوسکے۔

ذرائع کا کہنا ہے کہ آر پی او نے اغواکاروں کے فرار ہونے پر سی پی او سے واقعے کی رپورٹ طلب کرلی۔

ذرائع کا کہنا ہے کہ ملزمان جسمانی ریمانڈ پر تھانہ ایئرپورٹ کے حوالات میں تھے، فرار ملزمان اب تک پچاس کروڑ سے زائد تاوان وصول کرچکے ہیں۔

میڈیا ذرائع کے مطابق اغواکاروں کی گرفتاری پر سی پی او احسن یونس نے نیوز کانفرنس کرنا تھی۔ آئی جی پنجاب نے بھی ملزمان کے فرار ہونے پر نوٹس لےلیا ہے۔

نمائندہ اے آر وائی نیوز کا کہنا ہے کہ اغوا برائے تاوان کے ملزمان کے فرار ہونے سے گواہوں کی جانوں کو خطرہ لاحق ہوگیا ہے جبکہ جو ملزمان فرار نہیں ہوپائے ان کی جانوں کو بھی خطرہ ہے۔

راولپنڈی پولیس کی جرائم پیشہ افراد کے خلاف کارروائی، پانچ رکنی گینگ گرفتار

خیال رہے کہ اس سے قبل راولپنڈی پولیس نے ڈکیتی معہ قتل، قتل اور اغواء برائے تاوان کی وارداتوں میں ملوث ملزمان کو گرفتار کرکے ان کے قبضہ سے مسروقہ رقم 2لاکھ 32ہزار روپے، طلائی زیورات، مسروقہ موٹرسائیکل، اور وارداتوں میں استعمال ہونے والا اسلحہ 05پستول 30بور معہ 26روند برآمد کیے تھے۔

Comments

یہ بھی پڑھیں