The news is by your side.

Advertisement

شیخ رشید بھی وزیراعظم کیخلاف نااہلی کا ریفرنس دائرکریں گے

راولپنڈی : عوامی مسلم لیگ کے سربراہ شیخ رشید احمد نے بھی وزیر اعظم نواز شریف کیخلاف نااہلی ریفرنس دائر کرنے کااعلان کردیا۔

تفصیلات کے مطابق پاکستان تحریک انصاف کے بعد شیخ رشید احمد نے بھی وزیر اعظم نواز شریف کیخلاف نااہلی کا ریفرنس دائر کرنے کا اعلان کرتے ہوئے کہا ہے کہ پیر کے روز وزیر اعظم کے خلاف اسپیکر قومی اسمبلی کے پاس ریفرنس دائر کروں گا ۔ اسمبلی کا کورم تو پورا ہوتا نہیں ہے اس لیے اسپیکر کو مصروف رکھنے کیلئے ریفرنس دائر کروں گا۔

یہ بات انہوں نے راولپنڈی میں اہپنی رہائش گاہ لال حویلی میں پریس کانفرنس سے خطاب کرتے ہوئے کہی، پریس کانفرنس کے دوران شیخ رشید چٹکلے بازی سے باز نہ آئے اور اسپیکر قومی اسمبلی ایاز صادق پر جملہ کس ڈالا۔

عوامی مسلم لیگ کے سربراہ کہتے ہیں آج لال حویلی پر جلسہ ہوگا اور رات بارہ بجے یوم آزادی کا جشن بھی منائیں گے۔ شیخ رشید احمد نے کہا کہ راولپنڈی کا سب سے بڑا جلسہ کرنے جارہے ہیں ہم پر امن لوگ ہیں۔

ان کا کہنا تھا کہ تمام سیاسی جماعتوں کو جلسے میں شرکت کی دعوت دیتا ہوں ۔ پاکستان تحریک انصاف ہماری اتحادی پارٹی ہے اورعمران خان سے تعلق کسی دعوت کا محتاج نہیں۔ ہماری ریلی میں کوئی موٹر سائیکل نہیں ،صرف پیدل مشعل بردار ہوں گے ۔کسی قیمت پر قانون ہاتھ میں نہیں لینے دیں گے نہ شہر کا امن تباہ ہونے دیں گے۔

انتظامیہ سے کہا ہے صرف ایک راستہ دے، انہوں نے کہا کہ ہم تھانوں پر حملے کرنے والے نہیں ہیں اور نہ ہی ہم ایفیڈرین کیس میں ملوث ہیں اور اگر کسی نے جلسے میں رکاوٹ ڈالی تو ذمہ دار شہباز شریف ہوں گے۔

یاد رہے کہ شیخ رشید کے جلسے کو علاقے میں لاؤڈ اسپیکر پر پابندی کے چیلنج کا سامنا ہے۔

 

Print Friendly, PDF & Email

Comments

comments

یہ بھی پڑھیں