The news is by your side.

Advertisement

راولپنڈی: 12 ربیع الاول کے لیے سیکیورٹی کے سخت انتظامات، پولیس کا فلیگ مارچ

راولپنڈی: صوبہ پنجاب کے شہر راولپنڈی میں 12 ربیع الاول کے لیے سیکیورٹی کے سخت انتظامات کیے گئے ہیں، پولیس کی جانب سے فلیگ مارچ کیا گیا۔

تفصیلات کے مطابق راولپنڈی میں 12 ربیع الاول کے لیے سیکیورٹی کے سخت انتظامات کیے گئے ہیں، ایس ایس پی آپریشن طارق ولایت کی قیادت میں پولیس نے فلیگ مارچ کیا۔

ترجمان پولیس کے مطابق پولیس لائنز سے شروع ہونے والے فلیگ مارچ میں پولیس،ایلیٹ فورس، ڈولفن فورس، ٹریفک پولیس کی گاڑیاں شامل تھیں، فلیگ مارچ کا مقصد قانون کی حکمرانی کو یقینی بنانا ہے۔

ترجمان نے مزید کہا کہ ملکی صورت حال کے مطابق عوام کے جان ومال کے تحفظ کو یقینی بنانا ہے، ہر قسم کے حالات میں پنڈی پولیس قانون کے مطابق عوام کے جان ومال کا تحفظ کرے گی۔

یاد رہے کہ گزشتہ روز اسلام آباد ٹریفک پولیس نے 12 ربیع الاول کے مرکزی جلوس کے لیے ٹریفک پلان جاری کردیا، مرکزی جلوس ودیگر جلوسوں کے لیے 4 اے ایس پی، ڈی ایس پیز، 17 انسپکٹرز سمیت 478 افسران وجوان تعینات کیے گئے ہیں۔

ترجمان اسلام آباد ٹریفک پولیس کے مطابق مرکزی جلوس کا آغاز صبح 10 بجے گراؤنڈ جی سیون مرکز نزد رحمت کمیونٹی سینٹر سے ہوگا اور دربار سخی محمود پر اختتام پذیر ہوگا۔

Comments

comments

یہ بھی پڑھیں