The news is by your side.

Advertisement

راولپنڈی: دہشت گردی کا منصوبہ ناکام، کالعدم تنظیم کے دو کارندے گرفتار

راولپنڈی: صوبہ پنجاب میں انسداد دہشت گردی فورس نے دہشت گردی کا منصوبہ ناکام بنا دیا، کارروائی میں کالعدم تنظیم کے دو دہشت گرد گرفتار کرلیے۔

تفصیلات کے مطابق سی ٹی ڈی نے پنجاب کے شہر راولپنڈی میں کارروائی کرتے ہوئے کالعدم تنظیم کے 2دہشت گردوں کو گرفتار کرلیا۔

سی ٹی ڈی حکام کا کہنا ہے کہ دہشت گردوں کو جی ٹی روڈ باؤا کلان منڈرا کے قریب سے گرفتار کیا گیا، گرفتار دہشت گردوں سے دھماکا خیز مواد برآمد کرلیا گیا۔

بھکر میں سی ٹی ڈی کی کارروائی، ایک دہشت گرد گرفتار

خیال رہے کہ گذشتہ دنوں پنجاب کے شہر بھکر سے انسداد دہشت گردی فورس نے خفیہ کارروائی کرتے ہوئے کالعدم تنظیم کے ایک دہشت گرد کو گرفتار کیا تھا۔

گرفتار دہشت گرد کے قبضہ سے خودکش جیکٹ، دستی بم اور پستول برآمد کی گئی تھی۔

یاد رہے کہ انسداد دہشت گردی فورس نے گزشتہ برس 26 دسمبر کو صوبہ پنجاب کے شہر گوجرانوالہ میں خفیہ اطلاعات پر کارروائی کرتے ہوئے کالعدم تنظیم کے 4 دہشت گردوں کو گرفتار کیا تھا جو کرسمس کی تقریبات کو ہدف بنانا چاہتے تھے۔

Comments

comments

یہ بھی پڑھیں