راولپنڈی ٹیسٹ میچ کے پہلے روز کا کھیل ختم ہوگیا پاکستان نے 4 وکٹوں کے نقصان پر 158 رنز بنالیے۔
راولپنڈی میں پہلے روز کا کھیل بارش کے باعث تاخیر سے شروع ہوا، ٹیسٹ میچ کے پہلے روز صرف 41 اوورز کا کھیل ممکن ہوسکا۔
پاکستان نے 4 وکٹ پر 158 رنز بنالیے ہیں، سعود شکیل 57 اور محمد رضوان 24 رنز کے ساتھ دوسرے روز کھیل کا آغاز کریں گے۔
عبداللہ شفیق 2 اور بابر اعظم بغیر کوئی رن بنائے پویلین لوٹ گئے، صائم ایوب 56 رنز بنا کر آؤٹ ہوئے۔
تاہم کپتان شان مسعود کو 6 رنز پر شریف الاسلام نے آؤٹ کیا لیکن وہ آؤٹ ہونے کے بعد غصے میں آگئے اور کیچ سے متعلق امپائر سے بحث کرتے دکھائی دیے۔
بنگلہ دیش کی جانب سے شریف الاسلام اور حسن محمود نے دو، دو وکٹیں حاصل کیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں