راولپنڈی(13 جولائی 2025): موٹروے چکری انٹر چینج کے قریب مسافر بس الٹ گئی، حادثے میں 5 افراد جانبحق ہوگئے۔
تفصیلات کے مطابق راولپنڈی سے لاہور جانے والی بس کو چکری انٹرچینج کے قریب حادثے کا شکار ہوگئی جس کے نتیجے میں 5 افراد جاں بحق اور 30 زخمی ہوگئے۔
ریسکیو حکام کے مطابق بس میں سوار کل 30 افراد زخمی ہیں، 18ہ زخمیوں کو چکوال، 4 کو راولپنڈی اور 8 زخمیوں کو اسلام آباد پمز منتقل کیا گیا۔
موٹروے پولیس کے مطابق مسافر بس راولپنڈی سے لاہور جارہی تھی، چکری انٹرچینج کے قریب پھسلن کے باعث بس ڈرائیور سے بے قابو ہوکر کچے میں اتر کر الٹ گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں