راولپنڈی (11 جون 2026): روات پولیس نے اہم کارروائی کرتے ہوئے مختلف ویب سائٹس پر فحش ویڈیوز اپلوڈ کرنے والے گینگ کو بے نقاب کر دیا۔
ترجمان راولپنڈی پولیس کی جانب سے جاری بیان میں بتایا گیا کہ روات پولیس نے ویب سائٹس پر آن لائن لائیو اسٹریمنگ کے ذریعے فحش اور نازیبا ویڈیوز اپلوڈ کرنے والے گینگ کے ارکان کو گرفتار کر لیا جس میں 11 ملکی و غیر ملکی ملزمان شامل ہیں۔
بیان میں بتایا گیا کہ گرفتار ملزمان میں ایک غیر ملکی سمیت 7 خواتین بھی شامل ہیں، کارروائی کے دوران موقع سے پستول اور گولیاں بھی برآمد کی گئیں جبکہ لائیو اسٹریمنگ میں استعمال ہونے والا موبائل فون، لیپ ٹاپ اور دیگر آلات بھی قبضے میں لیے گئے۔
ترجمان راولپنڈی پولیس کے مطابق گرفتار ملزمان فحش ویڈیوز مختلف ویب سائٹس پر اپلوڈ کرتے تھے، روات پولیس نے مقدمہ درج کر کے تمام افراد کو حراست میں لیا جن سے تفتیش میں بڑے انکشافات متوقع ہیں۔
روات پولیس کی بڑی کاروائی, فحش سائٹس پر آن لائن لائیو سٹریمنگ کے ذریعے فحش و نازیبا ویڈیوز شئیر کرنے والا گینگ گرفتار, 11 ملکی و غیر ملکی افراد گرفتار, گرفتار افراد میں ملکی و ملکی مرد و زن شامل ہیں, گرفتار افراد میں دو غیر ملکی اور دو پاکستانی مرد شامل ہیں, گرفتار افراد میں pic.twitter.com/D2YmujCKm8
— Rawalpindi Police (@RwpPolice) June 11, 2026
انہوں نے بتایا کہ گینگ کے دیگر ساتھیوں اور سہولت کاروں کی گرفتاری کیلیے تحقیقات کی جا رہی ہیں، مقدمہ کی تفتیش کے حوالے سے این سی سی آئی اے سے رابطہ کر کے تفتیش کا دائرہ کار بڑھایا جا رہا ہے۔
راولپنڈی پولیس نے واضح کیا کہ خواتین اور بچوں کے استحصال یا جنسی زیادتی میں ملوث افراد قانون کی گرفت سے نہیں بچیں گے، قانون شکنی میں کوئی بھی ملوث ہو بلا تفریق کاروائی کی جائے گی۔
