راولپنڈی میں شوہر کی جانب سے خاتون کو حبس بے جا میں رکھنے اور بیڑیاں لگانے کا انکشاف ہوا ہے۔
اے آر وائی نیوز کے مطابق خاتون کی بیڑیاں لگی ویڈیو منظرعام پر آنے کے بعد سی پی او راولپنڈی سکھیرا نے نوٹس لیا جس کے بعد پولیس نے ملزم شوہر کو گرفتار کرلیا۔
پولیس ذرائع کا کہنا ہے کہ بیوی کو بیڑیاں لگانے کے الزام پر شوہر کو گرفتار کر لیا گیا ہے جس سے مزید تفتیش جاری ہے۔
یہ پڑھیں: کال سینٹر میں لڑکی کو حبس بے جا میں رکھنے کا مقدمہ درج، 8 افراد گرفتار
ذرائع کے مطابق حبس بے جا سے نکل کر بیڑی لگی خاتون خود تھانے پہنچی جس پر پولیس متحرک ہوئی۔
متاثرہ خاتون کا کہنا ہے کہ اس کی شوہر سے فون سننے کے واقعے پر تلخی ہوئی تھی۔
پولیس کا کہنا ہے کہ خاتون کے والد کی مدعیت میں تھانہ پیرودھائی میں واقعے کا مقدمہ درج کرلیا گیا ہے۔ علاوہ ازیں سی پی او نے ایس پی راول اور ڈی ایس پی سٹی کو تحقیقات کرکے رپورٹ پیش کرنے کی ہدایت کی ہے۔
